හැමෝන්ටම මුලින්ම සාමය සමගිය සමාදානය පිරි සුභම සුභ නත්තලක් වේවා!

දන්නවනෙ මගේ බ්ලොගයෙ මම ලිපි පළ කරනවට අමතරව ඉඳලා හිටලා මං ගායනා කරපු ගීත එහෙම ඔයාලට රසවිඳින්න දෙනවා කියලා. ඉතිං අද මම දෙන්න හදන්නෙ ගීතයක් නම් නෙමෙයි. මේ නත්තල් දවසෙ මං අද ඔයාලට තිලිණ කරන්නෙ මං ගයපු සිංහල ගීතිකාවක්.







මේ සිංහල ගීතිකාව ("මගෙ දිවි පණ නල") මං ගායනා කලේ පහුගිය දෙසැම්බර් 3 වෙනිදා අපේ සරසවියෙ පැවැත්වුන නත්තල් බැති ගී ප්‍රසංගයෙදි.

සුළුතර කතෝලික පිරිසක් ඉන්න මොරටුව සරසවියෙ එදා පවත්වපු මේ ප්‍රසංගය නරඹන්න නම් ආගම් භේදයකින් තොරව ශාලාව පිරෙන්න සෙනඟක් ඇවිල්ලා හිටියා. ඒ ගැන නම් අපිට ගොඩක් සතුටුයි. එදා අපේ නත්තල් බැති ගී ප්‍රසංගය නරඹන්න ඇවිත් අපිව දිරිමත් කරවපු අපේ සහෝදර බොදුනු සහ අන්‍යාගම් වල සියලුම සොයුරු සොයුරියන්ට මේ වෙලාවෙ ඉතාමත් ගෞරවයෙන් ස්තූතිය පුදකරනවා.

එදා මං ගයපු මේ ගීතිකාවට සහය ගායනයෙන් සම්බන්ධ වුනු අපේ පළමු වසර මල්ලිලා දෙනනටත්, සංගීතය සපයපු පියුම්, මනෝජ්, රයන්, ශිහාර අයියා ඇතුළු සොයුරන්ටත්, විශේෂයෙන්ම, සරසවියෙ පැවැත්වෙන ඕනෙම සංගීත කටයුත්තකදි ඔවුන්ගෙ උපරිම දායකත්වය ලබාදෙන, කතෝලික අපි කට්ටියත් එක්ක දවස් ගානක් රෑ නිදිවරාගෙන පුහුණුවීම් කටයුතු කරලා මේ ප්‍රසංගය ඩ්‍රම්ස් වාදනයෙන් සහ ගීටාර් වාදනයෙන් විචිත්‍රවත් කරපු රංග සහ සචිත් යන ‍අපේ බොදුනු සොයුරන් දෙන්නටත් අති විශේෂ ස්තූතියක් මේ වෙලාවෙ පුදකරන්න ඕනෙ.

ඉතිං එහෙනම් කට්ටය අද නත්තල් දවසෙ නිවාඩු පාඩුවෙ මේ ගීතිකාව රසවිඳින්නකො.

ඔන්න එහෙනම් ආයෙමත් සැරයක් අපේ සිංහල බ්ලොග් සංසදේ සියළුම මිතුරු මිතුරියන්ටත්, පාඨක ඔබ සැමටත්,

සුභම සුභ නත්තලක් වේවා !!!