කාලෙකට පස්සෙ ඔන්න ආයෙමත් ආවා සිංහල බ්ලොගවකාශෙට. විභාගෙත් අවසාන වෙලා ටිකක් දිග නිවාඩුවකුත් ලැබුණු නිසා දැන් ඉතිං ආයෙත් සුපුරුදු විදියට බ්ලොග්කරණයෙ යෙදෙන්න තමයි හිතාගෙන ඉන්නෙ. ඉතිං ඔන්න අද 2010 වර්ෂයෙ මුලින්ම ලියන ලිපියෙන් මං කියන්න හදන්නෙ නොමිලේ Mobile News Alerts ලබා ගන්න පුළුවන් සරළ විදියක් ගැන.

හැමෝම දන්නවනෙ ඔය අපේ ජංගම දුරකතන සේවාසැපයුම්කරුවන් විසින් එක එක විදියෙ Mobile News Alert සේවා සපයනවා කියලා. අද දෙරණ, news.lk වගේ නොයෙකුත් පුවත් සපයන්නන් ලබාදෙන පුවත් මෙමගින් අපිට ලබාගන්න පුළුවන්නෙ. හැබැයි ඉතිං ඒ විදියට News Alerts ලබාගන්න නම් අපෙන් මාසිකව රු.30ක් වගේ මුදලක් අය කරගන්නවා.

යුද්ධ ජයග්‍රහණයට කලින් නම් මමත් ඔය News Alert සේවාව සක්‍රීය කරගෙන තිබුනෙ රු.30ක් ගියත් කමක් නෑ කියලා. මොකද ඉතිං ඒ දවස් වල එසැණින්ම දැන ගත යුතු පුවත් රාශියක් තිබුණනෙ. ඒත් දැන් නම් ඔය එසැනින්ම දැන ගත යුතු පුවත් කියලා වැඩි උණුසුමක් තියෙන පුවත් වාර්තාවෙනවා අඩුයිනෙ. (ආයෙ සුනාමියක් වගේ ආවොත් ඇරෙන්න ) ඉතිං ඒක හින්දා දැන් නම් ඔය රු.30 ගානෙ ගෙවාගෙන News Alerts ලබාගන්න එකේ නම් ප්‍රයෝජනයක් නොමැති තරම්.

හැබැයි ඉතිං රටක ජීවත්වෙන මිනිස්සු විදියට රටේ තොටේ සිදුවෙන්නෙ මොනාද කියලා අපි කව්රුත් දැනගෙන ඉන්න එපායෑ. ඉතිං ඔය News Alert සේවාවක් අපිට නොමිලේම සපයගන්න පුළුවන් නම් කොච්චර අගෙයිද? අන්න ඒ විදියට නොමිලේම අපිට Mobile Alerts ලබාගන්න පුළුවන් විදියක් තියෙනවා අපේ සුපුරුදු මූණුපොත (facebook) හරහා.

මූණුපොතේ fan pages කියලා ජාතියක් තියෙනවා කියලා හැමෝම දන්නවනෙ. ඉතිං මූණුපොතේ ඉන්න සාමාජිකයන්ගෙ වගේම ඔය ‍fan pages වලත් Status updates වලට sms මගින් subscribe වෙන්න අපිට පුළුවන්. (ඔබේ ජංගම දුරකතනයේ තොරතුරු මූණුපොතට ලබාදී fb alerts සක්‍රීය කර තිබිය යුතුයි.) එහෙම sms මගින් subscribe උනාට පස්සෙ ඒ fan pages වලත් Status updates කෙලින්ම අපේ ජංගම දුරකතනයට එනවා.

ඉතිං ඔන්න ඔය වගේ සමහර fan pages තියෙනවා තමන්ගෙ Status updates විදියට උණුසුම් පුවත් (Breaking News) ලබාදෙන. ඉතිං අන්න ඒ වගේ fan pages වලට sms මගින් subscribe උනානම් අපිට කිසිම වියදමක් නැතිව උණුසුම් පුවත් අපේ ජංගම දුරකතනයටම නොමිලේ ගෙන්වාගන්න පුළුවන්. කොච්චර සිම්පල් ප්ලෑන් එකක්ද නේද?

පහත දැක්වෙන්නෙ අන්න ඒ වගේ Status updates හරහා Breaking News ලබාදෙන fan pages කීපයක්...


මේ fan page එක හදලා තියෙන්නෙම ඔන්න ඔය විදියට නොමිලේ Breaking News ලබාදීමේ අරමුණින්. අද දෙරණෙන් පුවත් සපයන ගුණාත්මයෙන්ම මෙමගින් පුවත් සපයනවා. මෙය පවත්වාගෙන යන කෙනා කව්රු උනත් කරගෙන යන වැඩේ නම් අගය කළ යුතුයි.
http://www.facebook.com/pages/Colombo/BREAKING-NEWS/173518439429



මේ ‍fan page එක පවත්වගෙන යන්නෙ Daily Mirror පුවත්පත මගින්. ඔවුන්ගෙ ජාලගත (online) පුවත් පතේ පළවන ලිපි වලට සබැඳුම් (links) ද සහිතව එම පුවත් වල සිරස්තලය අපිට මෙමගින් ලබා දෙනවා. News Alert එක ජංගම දුරකතනයට ආවම ඔබ එම පුවත පිළිබඳ වැඩිදුර දැනගන්න කැමති නම් මේ සබැඳුමෙන්ම ගොස් සම්පූර්ණ පුවතම කියවන්නට ඔබට පුළුවන්.
http://www.facebook.com/pages/Daily-Mirror/129843276524


ඔබට විදෙස් උණුසුම් පුවත් ලබා ගැනීමට අවශ්‍ය මේ fan page එකට subscribe විය හැකියි. ලෝකෙ වටේ වෙන දේවල් ගැන උනන්දුවක් දක්වන අයට මෙය අගෙයි. මේ fan page එක පවත්වාගෙ යන්නෙ Fox News ආයතනය මගින්.
http://www.facebook.com/FoxNews





ඉහතින් දක්වපු රූප මත හෝ සබැඳුම් මත ක්ලික් කරලා ඔය fan page වලට ගොඩවෙන්න ඔබට පුළුවන්. ඒවායේ Status updates වලට එහෙමත් නැත්තං ඒවා මගින් ලබාදෙන Breaking News වලට sms මගින් subscribe වෙන්නෙ මෙන්න මෙහෙමයි. මුලින්ම ඔබ ඔබේ මූණුපොතට ලොග් වෙලා මේ fan pages වලට ගිහින් Become a fan කියන එක ඔබලා මේවායේ fan කෙනෙක් වෙන්න.



ඊට පස්සෙ මේ Profile picture එක යට තියෙන මෙන්න මේ 'Subscribe via SMS' කියන එක ඔබන්න. එච්චරයි!


අපිට ප්‍රයෝජනවත් උණුසුම් පුවත් ලබාගත හැකි fan pages නම් මට හම්බුණේ ඔච්චරයි. මීට අමතරව අපිට ප්‍රයෝජනවත් පුවත් ලබාදෙන තව ‍fan pages එහෙම තියෙනවනම් මාවත් දැනුවත් කරන්න.

ඉතිං ඔන්න අද ඉඳං මේ පුංචි සිම්පල් ප්ලෑන් එකෙන් ඔබට නොමිලේම රටේ තොටේ සහ ලෝකයේ සිදුවන දේ ගැන උණුසුම් පුවත් එසැණින්ම ඔබේ ජංගම දුරකතනයට ගෙන්වා ගන්න පුළුවන්. ඔබට ජය!
෴

යන්න කලින් ප්‍රතිචාරයක් එක් කරලා යන්න අමතක කරන්නෙපා... :)
Post a Comment