සම්පත් Webcard පත PayPal වෙත link & confirm කරන්නෙ කොහොමද? (eBay කුප්පි #3)


 eBay කුප්පි #1 සහ eBay කුප්පි #2 හැමෝම කියවන්න ඇතිනෙ. පසුගිය ලිපියෙ eBay කුප්පි #2 න් අපි කතා කළේ ලංකාවෙ අපිට eBay තුළ සහ අන්තර්ජාලය තුල මුදල් ගණුදෙනු කළ හැකි පහසුම මග වන සම්පත් Webcard ගැනනෙ. ඒ ගැන හඳුන්වාදීමක් එක්කම සම්පත් Webcard එකකට අයදුම් කරන අයුරුත් එදා ලිපියෙන් අපි සාකච්ඡා කළා. ඉතිං දැන් Webcard එකට දැනටමත් අයදුම් කරපු අයට තව දින දෙක තුනකින් සම්පත් card center වෙතින් ඇමතුමක් එයි ඔබේ Webcard එක සූදානම්, එවන්න ඕනා ලඟම ඇති බැංකුවටද නැත්නම් ගෙදරටද කියලා. අර කලින් ලිපියෙ මං සඳහන් කළ හේතු නිසා ඔබ ලඟම ඇති ශාඛාවට ගෙන්වාගන්නවා නම් වඩා පහසුයි.

ඊට පස්සෙ ඔබේ Webcard එක ලඟම ඇති බැංකු ශාඛාවට එවීමෙන් පසුවත් බොහෝවිට card center මගින් ඔබව දැනුවත් කරාවි දැන් ඔබට කාඩ්පත ලඟම ඇති ශාඛාවෙන් ලබා ගන්න පුළුවන් කියලා. එතකොට ඉතිං කරන්න තියෙන්නෙ ඒ බැංකු ශාඛාවට ගිහිල්ලා කාඩ්පත ලබාගන්න එක. කාඩ්පතත් සමඟ ඔබට ලබාදෙයි කාඩ්පතේ මුරපදය (password එක). ඔන්න ඕක තමයි හොඳටම පරිස්සම් කරගන්න ඕන එක. ඒත් එක්කම බැංකුව ඔබෙන් යම් ලියවිල්ලකට අත්සන් ගනීවි ඔබට කාඩ්පත සහ මුරපදය ලැබුණු බවට.

හැබැයි කාඩ්පත සහ මුරපදය අතට ලැබුණු සැනින් ඔබට කාඩ්පත භාවිතා කරන්න බැහැ. කාඩ්පත සක්‍රීය (activate) කරන තුරු තවත් දිනක් දෙකක් බලාගෙන ඉන්න වෙනවා. ඔබ කාඩ්පතේ තොරතුරු PayPal වෙත ලබාදුන් විට ඔබේ කාඩ්පත වලංගු කාඩ්පතක් නොවන බව PayPal පවසනවනම් ඒ කියන්නෙ ඔබේ කාඩ්පත තවමත් සක්‍රීය වෙලා නෑ. කාඩ්පත සක්‍රීය වෙලා නම් PayPal මගින් ඔබේ කාඩ්පත වලංගු කාඩ්පතක් ලෙස බාරගන්නවා. සම්පත් Card Center ඇමතීමෙනුත් ඔබට කාඩ්පත සක්‍රීය වෙලාද නැද්ද යන්න දැනගන්න පුළුවන්.

දැන් අපි බලමු පියවරෙන් පියවර කොහොමද මේ Webcard එක PayPal වෙත link කරන්නෙ කියලා.




Webcard එක PayPal වෙත link කරන්නෙ කොහොමද?

1. PayPal වෙත ගොස් ඔබේ ඉ-ලිපිනය සහ මුරපදය ලබා දී ඔබ සාදාගත්තු PayPal ගිණුමට ප්‍රවිශ්ට (log in) ‍වෙන්න.
(තවමත් ඔබ PayPal ගිණුමක් සාදාගෙන නැත්නම් http://www.paypal.com වෙත ගොස් එහි ඉහළ කෙළවරේ ඇති Sign up යන්න තෝරා ඔබේ පෞද්ගලික තොරතුරු ලබා දී PayPal ගිණුමක් සාදාගන්න.)


2. රූපයේ දක්වා ඇති පරිදි My Account --> Profile --> Add/Edit Credit Card තෝරන්න.



3. එලෙස තේරූපසු ඔබට දිස්වෙන කවුළුවෙන් Add Card යන්න ඔබන්න.

4. එවිට ඔබට දිස්වෙයි මෙන්න මේ වගේ form එකක්. මේ එකින් එකක් පුරවන්නෙ කොහොමද කියලා පහතින් දක්වලා ඇති.


  • First Name: මේ සඳහා ඔබේ සැබෑ මුල්නම දෙන්න. PayPal වලින් ගෙවීම් කර ලබා ගන්නා භාණ්ඩ තැපෑලෙන් ලැබෙන්නෙ මේ නමටයි.
  • Last Name: මෙය ඔබට වෙනස් කළ නොහැකියි. PayPal ගිණුම සෑදීමේදී ඔබ ලබා දුන් වාසගම මෙතන දිස්වෙයි.
  • Card Type: මෙතන ඇති තේරීම් තුනෙන් Visa යන්න තෝරන්න. (අපේ Webcard එක Visa කාඩ්පතක්.)
  • Card Number: මෙතනට ඔබ ලබා දිය යුත්තෙ ඔබේ Webcard එකේ ඉදිරිපස ඇති අංක 16කින් යුත් අංකය. ඉරිකෑලි හෝ හිස්තැන් නොතබා අංක 16ම යතුරු කරන්න.
  • Expiration Date: ඔබේ කාඩ්පත කල් ඉකුත් වන මාසය හා අවුරුද්දත් Webcard එකේ ඉදිරිපසම දිස්වෙනවා. (VALID THRU ලෙස) අන්න එම මාසය හා අවුරුද්ද මේ සඳහා ලබා දෙන්න.
  • Card Verification Number: මේ සඳහා ලබා දිය යුත්තේ Webcard එක සමඟ ඔබට ලැබුණු අංක හතරකින් යුත් මුරපදය (Password එක).
ඔය රූපයේ දැක්වෙන දෑ වලට අමතරව එතනදි තව ඔබෙන් අහනවා Billing Address එක මොකක්ද කියලා. ඒ සඳහා ඔබට Use this address as billing address මගින් PayPal ගිණුම සෑදීමේදී ඔබ ලබා දුන් ලිපිනය හෝ Enter a new address as billing address මගින් වෙනත් ලිපිනයක් හෝ ඇතුලත් කරන්න පුළුවන්.



5. මේ තොරතුරු සියල්ල ඇතුලත් කිරීමෙන් පසු Add Card යන්න ඔබන්න.

මෙලෙස එබූ පසු කිසියම් දෝෂ පණිවිඩයක් දිස් උනොත් එයින් හැඟවෙන්නෙ ඔබේ කාඩ්පත තවමත් සක්‍රීය වෙලා නෑ කියන එක. දෝෂ පණිවිඩයක් දිස් නොවෙනවා නම් ඔබේ කාඩ්පත දැනටමත් PayPal විසින් වලංගු කාඩ්පතක් ලෙස බාරගෙන හමාරයි.

හැබැයි ඉතිං කාඩ්පත PayPal වෙත add කළ පමණින් ඔබට කඩේපතෙන් ගණුදෙනු කරන්න බෑ. ඊට කලින් ඔබ ඇතුලත් කළ කාඩ්පත ඔබේගේම බව තහවුරු කරන්න (confirm කරන්න) සිද්ධ වෙනවා.


PayPal වෙත link කළ Webcard එක confirm කරන්නෙ කොහොමද?

PayPal මගින් මේ කාර්යය සිදුකරන්නෙ සරළවම මෙන්න මෙහෙමයි. ඔවුන් අපි ඇතුලත් කළ කාඩ්පතෙන් ඔවුන්ගෙ ගිණුමකට $ 1.95 ක මුදලක් බැර කරගන්නවා. (මේ මුදල පසුව නැවත අපිට ලබා දෙනවා) එලෙස අපේ කාඩ්පතෙන් ඔවුන්ගෙ ගිණුමට මුදලක් බැරකර ගැනීමේදී PayPal code නම් කේතයක් අපේ බැංකු ප්‍රකාශනයෙ (bank statement එකේ) සටහන් වෙනවා. මෙන්න මේ විදියට සටහන් වන PayPal code එක නැවත අපි PayPal වෙත ලබා දුන් විට ඔවුන් මෙම කාඩ්පත අපේම බව තහවුරු කරගන්නවා. ඔන්න ඕකයි සිද්ධිය.

දැන් බලමු කොහොමද මේක කරන්නෙ කියලා.


1. ඉහතදි Add Card යන්න එබූ පසු දිස්වන මෙන්න මේ කවුළුවෙන් Save & Continue යන්න ඔබන්න. (මෙලෙස කළ පසු ඔබේ කාඩ්පතෙන් $ 1.95 ක මුදලක් ඔවුන් කපා ගන්නවා)


රූපය ගත්තෙ මෙතනින්


2. මීළඟට දිස්වන මෙන්න මේ කවුළුවෙන් අපූරුවට දිස්වෙනවා අපි දැනට කරලා තියෙන දෑ සහ අපි මීළඟට කරන්න ඕනා දෑ.


රූපය ගත්තෙ මෙතනින්


ඔවුන් අපිට කියනවා මීළඟට අපේ බැංකු ප්‍රකාශනය පරීක්‍ෂා කරලා PayPal code එක ලබාදෙන්න කියලා. නමුත් අපේ මේ සම්පත් Webcard එක සඳහා අපිට මුද්‍රිත බැංකු ප්‍රකාශනයක් ලබාගැනීමේ පහසුකම හිමිවෙන්නෙ නෑ. එහෙනං කොහොමද PayPal code එක හොයාගන්නෙ? හරිම ලේසියි. ඔබට කරන්න තියෙන්නෙ 0112300604 යන අංකයෙන් සම්පත් card center ඇමතීම පමණයි. Card Center අමතලා ඔබ කියන්න ඔබට ඔබේ Webcard එකේ PayPal code එක ලබාදෙන්න කියලා. එවිට ඔවුන් ඔබෙන් ඔබේ Webcard අංකය ලබාගෙන ඔබට PayPal code එක ලබා දේවි.


3. එලෙස ලබාගත් අංක හතරකින් යුත් එම PayPal code එක ඔබ ඉහත කවුළුවෙදි Continue යන්න එබූ පසු දිස්වන පහත කවුළුවෙදි ඇතුලත් කරන්න.


රූපය ගත්තෙ මෙතනින්


මේ කවුළුවෙදි Resend PayPal code යන්න එබුවොත් නැවත වරක් ඔබෙන් $1.95ක මුදලක් කැපෙනවා. ඒ නිසා වැරදිලාවත් ඒක ඔබන්න එපා. (එබුනත් අවුලක් නෑ ඉතිං, ආයෙත් ඒ මුදල කොහොමත් ඔබට ලැබෙනවා ) ඉහත කවුළුවෙදි PayPal code එක ඇතුල් කර Submit යන්න එබූ පසු ඔබේ Webcard එක ඔබේම බව තහවුරු වී ඇති බව ඔබට දිස් වේවි.

සුභපැතුම්! දැන් ඔබට ඔබේ PayPal ගිණුම භාවිතා කර eBay ගණුදෙනු කරන්න පුළුවන්.


ඔන්න එහෙනම් අද කුප්පියත් අවසානයි. අද සාකච්ඡා කෙරුණු කරුණු ගැන ප්‍රශ්න එහෙම තියෙනවනම් අහන්න. ඔබේ අත්දැකීම් බෙදාගන්න. මං මේ ලියන ලිපි සම්පූර්ණ වෙන්නෙ ඔබේ අදහසුත් එකතු උනාමයි. ඒ නිසා ඔබේ අදහස් ලියලා යන්න පසුබට වෙන්න එපා.

ඔබ eBay වෙතින් භාණ්ඩ ගැනීමේදී සැලකිලිමත් විය යුතු කරුණු සහ ඔබට අවශ්‍ය භාණ්ඩයක් eBay තුළ පහසුවෙන් සොයා ගන්න අයුරුත් ඊළඟ ලිපියෙන් ලියන්නම්. ඒ ලිපිය ලියන කල් ඉන්න බැරි අයට පුංචි ඔවදනක් හැටියට කියන්නෙ. මුලින්ම ඔබ ලොකු ලොකු වටිනාකමින් යුත් භාණ්ඩ ගන්න එපා. මුලින් මුලින් රු.500කට 1000කට අඩු භාණ්ඩ කීපයක් ගන්න. ඒවා ඔබ වෙත සුරක්‍ෂිතව ලැබුණම ඔබට තවත් මේ eBay ගණුදෙනු ගැන විශ්වාසය ගොඩනැගේවි. යම් යම් දෑ සිද්ධ වෙන ආකාරය ගැන අවබෝධයකුත් ලැබේවි. ඉන්පසු ඔබට ලොකු ලොකු භාණ්ඩ වලට යන්න පුළුවන්. අනිත් කාරණේ තමයි ඔබ ගන්න හදන භාණ්ඩයක් ගැන මොනම හෝ ගැටළුවක් තියෙනවා නම් ගන්න කලින් sellerව contact කරලා අවැසි හැම දේම දැනගන්න. හැමදේම ගන්න කලින් සහ pay කරන්න කලින් දෙපාරක් හිතන්න.

එහෙනම් eBay සමඟ සුරක්‍ෂිතව ගණුදෙනු කරන්න ඔබට සුභ පැතුම්! ලිපිය ප්‍රයෝජනවත් උනානම් ඒ ගැන ලියලා යන්නත් ඔබේ අත්දැකීම් බෙදාගන්නත් අමතක කරන්න එපා.

එහෙනම් ජයවේවා!





Post a Comment

.

215 යි ප්‍රතිචාර

සරදියල් said...

මචෝ මේක මෝඩ ප්‍රශනයක්ද මංද. ඒත් මේක ටිකක් පැහැදිලි කරගත්තොත් හොදයි කියල හිතනවා
උබ කලින් පොස්ට් එකෙ මෙහෙම ලියල තිබ්බනෙ
*****************************************
මෙමගින් ගෙවීම් කළ හැක්කෙ eBay ගණුදෙනු සඳහා පමණද?

* නෑ. මෙමගින් අන්තර්ජාලය තුළ ඕනෑම මුදල් ගණුදෙනුවක් කරන්න පුළුවන්. (හැබැයි සාමාන්‍ය credit/debit card පතකින් කරන ගණුදෙනු කරන්න බෑ.)
*****************************************
එතකොට මචෝ හැම ගණුදෙනුවක් කරන්න පුලුවන්නම් අපි ඇයි PayPal එකකට මේක ලින්ක් කරන්නේ??

ධනික | Dhanika said...

@සරදියෙල්
මෝඩ ප්‍රශ්නයක් නෙමෙයි මචෝ උඹ අහලා තියෙන්නෙ හොඳ ප්‍රශ්නයක්.
මෙහෙමයි. අන්තර්ජාලය තුළ ඕනෑම ගණුදෙනුවක් කළ හැකියි යන්නෙන් මං අදහස් කළේ eBay සමඟ පමණක් නෙමයි Amazone වැනි අනෙක් අන්තර්ජාලීය වෙළඳපොළවල් සමඟත්, වෙනත් අන්තර්ජාලීය ගණුදෙනුකරුවන් සමඟත් ගණුදෙනු කරන්න මේ කාඩ්පත යොදාගන්න පුළුවන් කියන එක.

ඔබ අහපු ප්‍රශ්නෙට පිළිතුර මෙන්න මේකයි.
eBay එක තුළ අපිට ගෙවීම් කරන්න පුළුවන් ආකාර කීපයක් තියෙනවා. ඒවායින් ප්‍රධානතම ආකර දෙක තමයි මේ.
1. PayPal මගින්
2. කෙලින්ම ඔබේ Visa කාඩ්පත මගින්

හැබැයි බොහෝමයක් sellersලා අපෙන් ඉල්ලනවා PayPal මගින් ගෙවීම් සිදුකරන්න කියලා. (ඒ ඔවුන්ගෙ පහසුවට සහ ආරක්‍ෂාවට) eBay එකේ බොහෝ items වල item descriptions බැලුවොත් ඔබට පෙනෙයි "We only accept PayPal" කියලා තියෙනවා. මෙන්න මේකයි අපේ Webcard එක PayPal වෙත link කිරීම අත්‍යවශ්‍ය වෙන්නෙ.

අනෙක්අතට කෙලින්ම Visa කාඩ්පතෙන් ගණුදෙනු කිරීමට වඩා PayPal නම් අතරමැදියා හරහා ගණුදෙනු කිරීම කොහොමත් වඩාත් ආරක්‍ෂිතයි. (මේ ගැන මං කලින් ලිපියෙදිත් කිව්වා)

ඔබේ අදහස් බෙදාගත්තට ස්තූතියි මචෝ!

LishWish said...

මේ වගේ දෙයක් අපි එක්ක බෙදා ගත්තට උඹට ගොඩාක් ස්තූතියි මචං. උඹට ජයෙන් ජය...!

ධනික | Dhanika said...

@LishWish
බොහොම ස්තූතියි මචෝ! ඔබලාගෙ ප්‍රතිචාර තමයි මට මේ සිංහලෙන් ලිපි ලියන්න ලැබෙන එකම ශක්තිය. ඉතිං මේ ලිපි පෙළ පුරාම ප්‍රතිචාර ලබාදීලා මාව ශක්තිමත් කළ ඔබටත් ගොඩක් ස්තූතියි! ජයවේවා!

Thilina said...

එළ එළ.. නියම ලිපිය...

ධනික | Dhanika said...

@Thilina
ස්තූතියි මචෝ! :)

rclakmal said...

Thanks niyamayi !!! kiyala wadak naha !!1 Lipi okkoma kiyewwa !!! Habay thama CARD eka ganna bariwuna !!!!

E bay eke Books ehema aduwata thiynewa (I mean oya apita one wena Computer related books) But godak ewa used ewane !!!

ධනික | Dhanika said...

@rclakmal
බොහොම ස්තූතියි මචං! මේ දවස් වල නිවාඩු පාඩුවෙ ඉන්න නිසා හැමොන්ටම ප්‍රයෝජනවත් ලිපි පෙළක් ලියන්න හිතුනා. මේ ලියන දේවල් වලින් කාට හරි ප්‍රයෝනයක් වෙනවානම් ඉතිං ඒක තමයි මගේ සතුට. :)
(උඹ ගිය අඟහරුවාදා කැම්පස් ආවෙ නෑනෙ. අපේ මැඩමුත් මගේ බ්ලොග් එක ගැන පුංචි comment එකක් දුන්නා එදා බැච් එකම ඉස්සරහා. හරිම සතුටුයි ඒ ගැන නම්!) :D

ඉක්මණට කාඩ් එකකුත් ගනිං. Used නැති අලුත් පොතුත් ඇති මචං. පොඩ්ඩක් advanced search එකක් එහෙම කරලා බලපං.

MANJU said...

ගොඩක් වටින ලිපියක්

prabash said...

thanx මචෝ හොද ලිපියක්

ප්‍රියන්ත කරුණාරත්න said...

මේකට අදාල කලින් ලිපිත් මම බැලුවා.මේ ලිපිය එනකන් හිටියෙ මේකත් බලලම වැඩේට බහින්න..බොහොම ස්තුතියි දැනුවත් කලාට.

උකුස්සා said...

ධනික සහෝ....බොහෝම ස්තුතියි

ධනික | Dhanika said...

@MANJU
ස්තූතියි සහෝ!

@prabash
ස්තූතියි මචෝ!

@ප්‍රියන්ත කරුණාරත්න
ආ එළ එළ... දැන් එහෙනං වැඩේට බහින්නකො... ;)
ස්තූතියි මචෝ ප්‍රතිචාරෙට!

@උකුස්සා
අහ්! උඹෙ වදේටමයි බං මේක ඉක්මණට ලිව්වෙ. උඹත් එක්ක බෑනෙ ඉතිං පොඩ්ඩක් පරක්කු වෙනකොට සද්දෙ දානවනෙ... හික්! :D
ස්තූතියි මචෝ ප්‍රතිචාරෙට!

budhajeewa said...

පහුගිය ලිපිවලටත් වඩා මේක තමා මම ලියවෙනකං බලං ඉඳපු ලිපිය. මොකද සල්ලි සම්බන්ධ දේවල් වලදී trial-and-error ක්‍රමේට ඉගන ගන්න එක එච්චර හොඳ නැති නිසා, දන්න කෙනෙක්ගෙන් අහගන්න එක වැදගත්. බොහොම ස්තුතියි!

පැතා said...

එල එල වැදගත් ලිපියක්!

෴ .:GiniMakara :.෴ said...

තොරතුරු සෑහෙන වැදගත් බොහෙම ස්තූතියි ධනික මල්ලි...

නිශාන්ත said...

මේ සින්ඩියේදි මම දැකපු හොදම ලිපි පෙළ තමා මේක.ස්තුතියි.

ධනික | Dhanika said...

@budhajeewa
ඒක නම් ඇත්ත කතාව මල්ලි. හැබැයි ඉතිං කවුරුම හරි කෙනෙකුට trial-and-error ක්‍රමයට ඉගෙන ගන්නත් වෙනවා නේ? මං මේ eBay සෙල්ලම පටන් ගත්ත කාලෙ මේවා ගැන අහලා දැනගන්න වැඩිය කවුරුත් හිටියෙ නෑ. ඒ නිසා මේ ලිපි පෙළේ ලියපු ගොඩක් දේවල් ඉගෙනගත්තෙ trial-and-error ක්‍රමයට තමයි.
මට මතකයි මං ඔය PayPal එකට මගේ Webcard එක confirm කරගන්න බැරුව දඟලලා දඟලලා ඔය වගේ $1.95 ඒවා දෙකක් මගෙන් කැපුනා. ඒකමයි ඒ ගැනත් ලිව්වෙ. අන්තිමේදි මාත් එක්කම එකට Webcard එක ගත්තු පැතුම් කියලා මගේ යාළුවෙක්ගෙන් තමයි දැනගත්තෙ card center call කරලා අහගතහැකි කියලා.
ඉතිං මං මේ trial-and-error ක්‍රමයට ඉගෙනගත්ත බොහෝ දේවල් මේ විදියට ලිපි පෙළක් ලෙස ලියන්න හිතුවෙත් තවත් කෙනෙක් trial-and-error මගින් මේ දේවල් ඉගෙනගැනීමෙදි නාස්ති වන කාලය ඉතුරු කරගන්න සහ තවකෙනෙක්ට වරදින්න තියෙන අවස්ථාව වළක්වන්න.
ඇත්තටම මේ දැනුම බෙදාගැනීම කොතරම් නම් අපූරුද නේද? :)

ධනික | Dhanika said...

@පැතා
ස්තුතියි පැතෝ..!

@෴ .:GiniMakara :.෴
අහ්! අයියා කාලෙකට පස්සෙ මගෙ බ්ලොග් එක පැත්‍තෙ... :)
ස්තූතියි අයියෙ ප්‍රතිචාරෙට!

@නිශාන්ත
බොහොම ස්තූතියි මචෝ! ඔබලාගෙ ප්‍රතිචාර තමයි මට මේ ලිපි වඩ වඩාත් හොඳට ලියන්න ලැබෙන එකම ශක්තිය. දිරිමත්කිරීමට බොහෝම ස්තූතියි!

lohitha said...

Again great post Thanks...!!!

Just like to add little security info regarding paypal and ebay.
When you create an ebay account you get lot of emails related to product Newsletters, Promotions & Events. Actually some are really from ebay some are not. Since you already created an ebay account you may think those are really from ebay. It's good idea to not to go for these things. Just read and delete. Daily i recieve hundreads of these things.

Similar thing happened for the paypal also. you may get similar emails seems to be from paypal. Never click any links given. If you want to go to the paypal just type www.paypal.com in the address bar and go in.
always use paypal inside only on well known sites only. ebay, amazon, rapidshare etc... Eventhough paypal said to be safe don't think its completely safe. If some one find your paypal account no. and pass though they cannot find the card no. they can also use the account. The amount in the paypal account may be small but why loose money unnecessary???

There are some instances ebay sent security warnings. Don't ignor those. I had 2 warning for last two weeks. Those are related to haking of some ebay accounts (sellers) that i have sent masseges asking some informations. This warnings always copy to your email address and your ebay account. General massege title format is "MCxx x Account Security Communication Partner Warning". If such warning recieved better to ignor that seller.

uditha said...

නොදන්න දේවල් ගොඩක් දැනගත්ත.බොහොම ස්තූතියි

ධනික | Dhanika said...

@lohitha
Thanks dude! And thanks a lot for sharing your experiences. Your advices are really useful to everyone of us.

I too recieved some Communication Partner Warnings for the seller from whome I brought that fake pen which I mentioned earlier. But unfortunately, I recieved that warning after I made the payment. However by opening an online case at eBay Resolution Center, I could manage to get a full refund for that fake pen via the eBay Buyer Protection.

@uditha
ප්‍රතිචාරයට ස්තූතියි! :)

Kanishka | කණියා said...

card එක verify කරන විදිහ දැනන් හිටියේ නෑ. දැන් හරි.. :)

ප්‍රබෝද මදුශාන් said...

හොදම හොද ලිපියක් මචං .... මමත් කැමතියි පොඩි දෙයක් කියන්න... "නමුත් අපේ මේ සම්පත් Webcard එක සඳහා අපිට බැංකු ප්‍රකාශනයක් ලබාගැනීමේ පහසුකම හිමිවෙන්නෙ නෑ. " කියපු දේට මම එකග වෙන්නේ නෑ... card එක ගනිද්දිම Sampathnet userid එකකට apply කරල Sampathnet සදහා register උනාම, ඒ sampathnet account එකට අපේ webcard එක attach කරගත්තම, අපි card එක හරහා කරන ගනුදෙනු සියල්ලගෙම ප්‍රකාෂ බලාගන්න පුලුවන්... හැබැයි මේකට අපි ගනුදෙනු කරපු ගමන්ම නම් update වෙන්නේ නෑ.. ඒ හේතුව නිසා call center එකෙන් අහල කරගන්න එක ඉක්මන්... හැබැයි Sampath web card එකක් භාවිතා කරද්දි, sampathnet සදහා ලියාපදිංචිව සිටීම වැදගත් බව කියන්න කැමතියි... මෙන්න බලන්න, http://maduonline.com/img/fjfjfg.JPG

ධනික | Dhanika said...

@Kanishka | කණියා
එළ එළ... දැන් හරිනෙ... :)

@ප්‍රබෝද මදුශාන්
ස්තූතියි මචෝ! අදහස් බෙදා ගත්තටත් බො‍‍හොම ස්තූතියි!
ලිපියෙදි මං බැංකු ප්‍රකාශනයක් කියන එකෙන් මූලිකවම අදහස් කරේ මචං මුද්‍රිත බැංකු ප්‍රකාශනයක් කියන එක. ඔය SampathNet කතන්දරේ ලිපිය ලියද්දි ඇත්තටම මට කියන්න අමතක උනා. මම ඒ ගැනත් සඳහන් කරලා ලිපිය සංශෝධනය කරන්නම්.
කොහොමත් මචං ඔබ කිව්වත් වගේ SampathNet update වෙන්නෙ දවසකට පස්සෙ. ඉතිං වෙබ්කාඩ්පත confirm කරගැනීම සඳහා නම් වඩාත් පහසු card center ඇමතීම තමයි.

Anu said...

ගොඩාක් වටින ලිපි පෙලක්.. ගොඩාක් ස්තූතිය... =)

budhajeewa said...

@ධනික | Dhanika:
කෙනෙක් trial-and-error ක්‍රමයට කරලා දැනගතිපු දෙයක් තවත් කෙනෙක් ඒවගේම මුල ඉඳලා ඉගන ගන්න යනවා නම්, එතන වෙන්නේ කාලය නාස්ති කිරීමක්.

ඒ ක්‍රමයට ඉගන ගතිපු කෙනෙක් අනිත් අයත් එක්ක ඒ දැනුම බෙදාහදාගන්නවා නම් ඒක ඉතාම අගය කළ යුතු දෙයක්. තමන් ඉගන ගත් දේ සියල්ලන්ම වෙනුවෙන් භාවිතා කිරිම. ඇත්තෙන්ම ඒක උබුන්ටු දර්ශනය [ http://en.wikipedia.org/wiki/Ubuntu_(philosophy) ] එක්ක ළඟින් යනවා.

උකුස්සා said...

ධනික සහෝ.... උබ වගේ ගුරුමුෂ්ටියක් නැති උන් නිසා තමා අපිත් මෙවාගේ දෙයක් ඉගනගන්නේ.... මචෝ, මේ ලිපිපෙල උබ A to Z තේරුම්ගන්න පුලුවන් විදියටම ඉදිරිපත් කිරිම ගැන ගොඩාක් ස්තුතියි.

ධනික | Dhanika said...

@Anu
ස්තූතියි සහෝ..! :)

@budhajeewa
ස්තූතියි මල්ලි! මං ඔය උබුන්ටු දර්ශනයක් ගැන නම් දන්නෑ. ඒත් මං දන්න දේ මං අනිත් අයත් එක්ක බෙදා ගන්නවා, එචිචරයි! :)

@උකුස්සා
එළ මචෝ එළ..! මගේ මේ ලිපි කියවලා කව්රු කව්රු හරි මේවයින් ප්‍රයෝජනයක් ගන්නවනම් මට හරිම සතුටුයි මචෝ. :)
හැබැයි වැඩේ කියන්නෙ මේ එක ලිපියකට hits 500ක් විතර තිබ්බත් comments තියෙන්නෙ 20ක් 30ක් විතර. මේවායින් පුංචිහරි ප්‍රයෝජනයක් ගන්න හැමෝම වචනෙකින්වත් comment එකක් දාලා ගියා නම් කොච්චර හොඳද නේද? ලියක කෙනාටත් කොච්චර සතුටුද නේද?

Isuru Udana said...

එල. තවත් වඇදගත් ලිපියක්. දිගටම ලියන්න :-)

Kolama said...

eBay එකේ ගොඩක් දේවල් අඩුවට තියෙනවයි කියල දැනන් හිටියට මේ හැම දෙයක් ගැනම පැහැදිලි අවබෝධයක් ඔයාගෙ මේ ලිපි ටික කියවනකන් තිබ්බේ නැහැ. මම PayPal එකෙයි eBay එකෙයි රෙජිස්ටර් වුනා මහ රෑම (1:11 AM). :D

මේ ලිපි ටික කියවන ඕනම කෙනෙකුට අන්තර්ජාලයෙන් ගණුදෙණු කරන්න තියෙන බය නැති වෙනවා....

බොහෝම ස්තුතියි !!

කෝලමා

ධනික | Dhanika said...

@Isuru Udana
ස්තූතියි අයියෙ! :)

@Kolama
අහන්නත් සංතෝසයි! :D
අපේ මිනිස්සුන්ගෙ ඔය යමක් අත්හදා බලන්න තියෙන දැඩි බිය නිසා අපිට ගොඩක් අවස්ථා මග ඇරෙනවා ලෝකෙ අනිත් ජාතීන්ට සාපේක්‍ෂව. ඉස්සරහට අඩිය තියන්න බය උනොත් ඉතිං යන්නෙ හැමදාම පස්සට තමයි. :P
දැන් එහෙනම් register වෙලා හමාරයිනෙ, දැන් ඉතිං සල්ලි ටිකක් එකතු කරගෙන webcard එකක් එහෙම අරගෙන වැඩේට බහිමු...! ;)

prabash said...

Billing Address eka Lankawe unata aulak nethida

ධනික | Dhanika said...

@prabash
ඔබ Paypal වෙතින් ගෙවීම් කර මිලදී ගන්නා භාණ්ඩ බොහෝදුරට එවන්නෙ ඔබ Paypal වෙත ලබා දෙන Billing Address එකට. ඒ නිසා ඔබට භාණ්ඩ ගෙන්වාගන්න අවශ්‍ය ලිපිනය Billing Address සඳහා ලබා දෙන්න.

lohitha said...

@prabash
No problem. You can use Sri Lanka Billing address. Always keep update your current address at paypal. and you may also have multiple address in paypal also.

If you refer to a buying and item from ebay seller, all the sellers do not ship to sri lanka. If you have given correct address specially including country eventhough you try to buy by "buy it now" button, it will stop automatically claiming that your country is not listed.

Eventhouh seller's shipping country list does not include and seller claimed they do not ship to sri lanka most of the time they really do sometimes you can pay also. If you'r so desparate to buy some item and you cannot find good seller who ships to sri lanka you can do the following;
1. Contact reputed sellers via ebay massaging system
2. Ask them wheter they can ship to sri lanka
3. If so what is the shipping cost. (This is very important)
4. Total is feasible for you you can ask them to unblock sri lanka.
5. If they unblock you can proceed with the payment inside ebay.

Some time instead of unbloking they ask to pay directly to their paypal account. This is little risky and can not be recomended. If something happens during shipping they are not liable to make refund or do a replacement as they suppose to do inside ebay.

Some sellers say they only send for verified paypal address however when you go inside paypal to do the payment you can edit the address.
Assume that you have one address in paypal and you want to send the item to another address, when you do the payment the seller also ask for the new address and you give the correct address. But when you complete the payment, when you check your payment details it shows the paypal address instead of correct address you give. If you come accross this kind of situation don't worry. The seller has your correct address and he will sent to your correct address. To be sure as soon as complete the payment just put a massege to seller asking to confirm the address. This has happen several times for me and didn't cause any problem so far.

@ධනික
I will incorporate regarding taxing at post office and tax payments in your future posts...

J.P ලසිදු නදීශාන් තාරුක said...

ධනික අයියේ comment ඒකක් දාන්න ටික පරක්කු වුනා.මේකනම් නියම ලිපි පෙලක්.

Amil said...

ධනික... මට පොඩි ප්‍රශ්නයක් තියෙනවා කොහොමද අපේ ලිපිනය verification කරන්නේ කියලා. මොකද සම්පත් වෙබ් කාඩ් එකෙන් අපිට මාසිකව Bank statement එකක් ලැබෙන්නේ නැති නිසා.

ධනික | Dhanika said...

@lohitha
Thanks for sharing your experiences again dude!
I think it'll be better if you can send me some details regarding taxing at post office and tax payments. Coz I have no such experience. (Mail me in English if you find it difficult to type in Sinhala. I'll translate & publish it in Sinhala.)
My mail address: dhanikaperera[at]gmail[dot]com

ධනික | Dhanika said...

@J.P ලසිදු නදීශාන් තාරුක
ස්තූතියි මල්ලි! පරක්කු උනාට මොකද, පරක්කුවෙලා හරි කමෙන්ට් එකක් දාපු එකනෙ වටින්නෙ... :)

@Amil
Paypal තුළ අපේ ලිපිනය verify කිරීම ඇත්තටම අත්‍යවශ්‍ය කාරණයක් නෙමෙයි. ඔබ සඳහන් කළ හේතුව නිසා ලංකාවෙ අපිට අපේ ලිපිනයන් verify කිරීමේ හැකියාවක් නෑ. නමුත් verify නොකරපු ලිපිනයන්ට කිසිම ගැටළුවක් නැතිව භාණ්ඩ තැපෑලෙන් ලැබෙනවා. ඒකෙ කිසිම ගැටළුක් නෑ.
(FYI: සම්පත් බැංකුවෙන් මාසිකව Bank statement එකක් නොඑව්වට අපිට අවශ්‍යනම් යම් කාල සීමාවකට අදාල Statement එකක් ඉල්ලුම් කර ලබාගත හැකියි.)

uditha said...

ධනික,

web card ඉල්ලුම් කලේ පෙබරවාරි මස 24 දාය.නමුත් එය මට තාම ලැබුනේ නැත.මා කුමක් කල යුතුද??

ධනික | Dhanika said...

@uditha
අවශ්‍ය නම් Card Center අමතලා ඔය ගැන විමසන්න පුළුවන්. නැත්නම් තව දවස් කීපයක් ඉවසන්න. ලංකාවෙ වැඩ කොහොමත් ටිකක් ප්‍රමාදයිනෙ. තව ටික දිනකින් අනිවාර්යයෙන්ම ලැබෙයි.

Prabhash said...

ඇත්තටම මම මීට වසර කිහිපයක සිට eBay ,Paypal සමඟ ගණුදෙනු කරනවා නමුත් මම කවදාකවත් මගේ වෙබ් කාඩ් එක paypal සමඟ Confirm කරලා තිබුනේ නෑ. මම මෙසේ Confirm නොකර බොහෝ ගනුදෙනු කිරීමේ ගැටළු තිබේද???

(කෙසේවුවද මෙය දැකීමෙන් පසු මම මගේ කාඩ්පත Confirm කලෙමි.)

Prabhash said...

ආ තව දෙයක් කියන්න අමතක වුනා.. මම හිතනවා ඉදිරියේදී භාණ්ඩ විකිනීම පිළිබඳවත් පෝස්ට් එකක් දමයි කියා.ග

Hirantha said...

ම‍චන් උඹ කරන වැ‍ඩේ නම් කියලා වැඩක් නෑ සහෝ.... මම ඔයාගේ බ්ලොගර් එක‍ට ජොයින් උනේ අද..ගූග්ල් සර්ච් එකකදි, සෑහෙන වැදගත් ලිපි තියෙනවා ඒවා අපිත් එක්ක බෙදා ගන්න එකට මාරම ස්ත_තියි..
විශේෂයෙන් මේ ඔන්ලයින් ෂොපින් කරන එක මාරම ඉන්ටරෙස්ට්...
කලින් ඔය දේවල් අහල තිබුනට කරන්න දන්නෙත් නෑ..අනික කරන්නත් බය තිබුනනේ.
මම මේ දවස් වල මේක ට්‍රයි කරන්න වැඩ ක‍ටයුතු සිද්ධ කරගෙන යනවා...

නියමයි! ඔහොම යං........

ධනික | Dhanika said...

@Prabash
මට වැටහුණු විදියට ඔබ මෙතෙක් කල් eBay සමඟ ගණුදෙනු කරලා තියෙන්නෙ කෙලින්ම Webcard එකෙන් ගෙවීම් කරලා වගේ. මොකද Paypal වෙත card එකක් link කළාට ඒක confirm කරනකල් ඒ කාඩ්පතින් Paypal හරහා ගෙවීම් සිදුකරන්න බැහැ.
කාඩ්පතින් කෙළින්ම ගෙවීම් කරලා ගණුදෙනු කරනවට වඩා නම් Paypal වැනි අතරමැදියෙක් හරහා ගෙවීම් කිරීම වඩාත් ආරක්ෂිතයි. මොකද එතකොට අපේ කාඩ්පත් තොරතුරු අනාවරණය වෙන්නෙ Paypal වෙත පමණක් නිසා.

@Hirantha
ස්තූකියි මචං! ඉදිරියෙදිත් මගේ ලිපි කියවන්න මේ පැත්තෙ ඇවිත් යන්න එන්න. ඔබේ ප්‍රතිචාරෙට බොහොම ස්තූතියි! :)

Sachith Nirmal said...

thank u so much!!

Akila said...

එල කිරි කිව්වා.මට තිබුන ලොකුම ප්‍රශ්නයකට උත්තර ලැබුනා කියලා හිතෙනවා.තැන්ක් යු වේවා.

ධනික | Dhanika said...

@Sachith Nirmal
You are welcome!

@Akila
එළ එළ... අහන්නත් සංතෝසයි... :)

Ganindu Rupasena said...

එල වැඩක් මචන්. බොහොම ස්තුතියි මේ ලිපි පේල දැම්මට. ඊලග ලිපිය දානකම් තමා ගොඩක් අය බලන් ඉන්නේ.
එක නිසා ඉක්මනින්ම ඊලග ලිපිය දාන්න මචෝ.

J.P ලසිදු නදීශාන් තාරුක said...

ඊලග ලිපිය ටිකක පරක්කුයි වගේ

Rajeew said...

කෝ ඊලග ලිපිය තාම නැනේ ... ebay වලින් Mobile Phone, Digital Camera වගේ එවා ගෙන්න ගන්න පුලුවන්ද ? එවට වෙනම (Price + shiiping වලට අමතරව) ගෙවන්න වෙනවද ?

Rajitha0245 said...

Very gooood latter my friend....
Thanks my friend

dimuthu said...

Thanks Dhanika This is treasure For eBay Beginners {{{{{{{{{{{{{{{{
i have a problem ....

Machan Paypal verifykarala tiyenne UK account ekata web card ekan.
Srilanka dala Account ekak heduwoth account eka credits display wenne na ne?

what can i do to this because i want to be a seller but PayPal Account doesn't display credit.........?????????????

Kasun said...

Elama kiri.............. Thanks

lohitha said...

@Rajeew,

You can import but you will have to pay taxes to release the Phone/Camera. Most of the time if the coustom documents state content type as mobile phone or digital camera it will be detained at the post office and you will be asked to come to the post office and pay the taxes. If your item shipped via FedEx,UPS,TNT or DHL it will definitely stoped at there warehouses. I have imported via FedEx once. I was asked to come to there warehouse (Colombo Cargo) at seeduwa to collect the unit. In such case you will have to clear the unit via a 'Clearence Officer' and have to pay warehouse charge about 2700 + Clearence Officer Charge about 2500 + Tax for the corresponding item. This is same for FedEx, UPS and TNT. I think DHL also following the same procedure. I normally do not import via FedEx, UPS or DHL. Normal postal service is very good at the moment, but still have some risk of lossing your item. Not only Sri Lanka this may happen during transits outside Sri Lanka. Improper packing is the most common reason. Taking a shipping insuarance for such case will be good idea.

With regards to the mobile phone, you will have to get the TRC (Telecommunications Regulatory Commission) approval to release the unit. It's a must to have but not all custom officer ask for this. It is not difficult to get but have to go to TRC at Narahanpita and fill the required form. Normally you will be able to get it within 15 min.

If you import GPS unit then you need to get the TRC plus Defence Ministry approval. You Can apply via TRC for both. However it will take about 3 - 4 weeks.

I will add followings regarding taxes since it may help some of you;
I have improted value more than 200,000 SLR worth items so far. Execept one item imported via FedEx all others via our normal postal service. But for each item they asked to come to me to the post office to collect the items. Non of the item came to my home. Even they are very small. Sometime just to collect the item since it's heavy. Some time with tax papers. The post office send two type of Tax papers.

One comes with red color paper - Post office send this when they suspect the parcel may contain items that need to be taxed.
Other type comes with 3 copies of tax declaration forms - Post office send this when they identify the item as taxable item based on custom forms comes with the parcel.

If you recieve either of above you will have to go to the post office to collect the parcel and need to be open the parcel in front of the custom officer. However you don't have to pay tax always. But if you recive second type of tax paper you will have to pay 150 SLR of postal charge. that is not a tax.

You can estimate the total tax you will have to pay when importing using Sri Lanka Custom tarrif Guide.

The customs tarrif 2009 edition is available to download in Sri Lanka Customs website the link is given below.

http://www.customs.gov.lk/adp/Tariff%20Guide%20Excel%202009.xls

Online version of this is also available and link is below
http://www.customs.gov.lk/crdtc2/HSCODES_list.asp

If you'r lucky the item will come to your door steps. However nowadays Postal Department detain most of the item since lot of people importing lot of taxable items and some people import just to sell.

Sorry for writing in english. My machine does not correctly display Sinhala text. May be due to installation problem. I'm too lazy to format the machine again....

@Danika...
If you have anything to add please add. It will help for new e-buyers.

ධනික | Dhanika said...

@Ganindu Rupasena, J.P ලසිදු නදීශාන් තාරුක, Rajeew
බොහොම ස්තූතියි ප්‍රතිචාර වලට! මේ දවස් වල වැඩ ටිකක් වැඩි වුන නිසා බ්ලොග් එක ලියන්න වෙලාවක් ලැබුන්නෑ. ඒ ගැන කණගාටුයි. හැකි විගස ලියන්නම්. :)

@Rajeew
ඔබේ ප්‍රශ්නයට විස්තරාත්මක පිළිතුරක් අපේ ලෝහිත සොයුරා ලබා දීලා තියෙනවා. එය ඔබට ප්‍රමාණවත් ඇති. ලෝහිත සොයුරාට ඒ පිළිබඳ අපගේ ස්තූතිය!!

@Rajitha0245
Thanks friend!

@dimuthu
ප්‍රතිචාරයට ස්තූතියි මචෝ!
Sri Lanka දාලා account එකක් හැදුවොත් credits display වෙන්නෑ තමයි. නමුත් මෙය Paypal මගින් ගෙවීම් කරන්න ගැටළුවක් වෙන්නෑ මචෝ. Credits නොපෙන්නුවට අපේ කාඩ් එක Paypal සමග connect වෙලයි තියෙන්නෙ. අපි යම් ගෙවීමක් කළ විට Paypal විසින් අපේ කාඩ් එකෙන් මුදල් ලබාගෙන ගෙවිය යුත්තාගෙ ගිණුමට බැර කරනවා. එහි ගැටළුවක් නෑ.
නමුත් Paypal වෙත මුදල් ලබා ගැනීමේනම් ගැටළුවක් තියෙනවා. මොකද Sri Lanka දාලා හදපු accounts වලට මුදල් ලබා ගන්න බෑ, කරන්න පුළුවන් මුදල් ගෙවීම් පමණයි.

@Kasun
Thanks for the comment!

@lohitha
Thanks a lot for the comment dude!
I couldn't involve in this in last few days as I was little busy. So thank you for answering our readers' questions on behalf of me.
Hope to publish the next post as soon as possible when I get some time. Please keep in touch!
Thanks for all your contribution!!! :)

ishara said...

නොදන්න දේවල් ගොඩක් දැනගත්ත.ගොඩාක් ස්තූතියි.(please write next one soooooooooooooooooon)

Rajeew said...

@ Lohitha : Thank you very much for the detailed explanation. it helped me a lot to understand the situation.

And I have a one more question for you, will it be cheap to buy a digital camera from ebay after taxes ?

@ Dhanika : Thanks for the support and of course for the great blog :)

Shadow said...

මචන් ලොකු අවුලක් තියනවා.. මගෙ පේපල් එකවුන්ට් එකේ තියන සල්ලි සම්පත් බෑන්ක් එකවුන්ට් එකට ගන්න පුලුවන්ද? මගෙ පේපල් එකේ බිලින්ග් ඇඩ්‍රස් එක විඩිහට තියෙන්නෙ ඇමරිකාවෙ ඇඩ්‍රස් එකක්.... වෙබ් කාඩ් එකක් මගෙ ගාව තියනවා..... ලොකු උදව්වක් බන්.. ප්ලීස් හෙල්ප්

ahs said...

ayye, paypal account eken withrak apita online shopping karanna barida?

ධනික | Dhanika said...

@ishara
ඔබේ ප්‍රතිචාරෙටත් ස්තූතියි!

@Rajeew
Welcome bro.. And thanks for your comment!

@Shadow
සම්පත් bank account එකකට නම් ගන්න බෑ මචෝ... ඔබේ American billing address එක තියන PayPal account එකට වෙබ්කාඩ් එක ලින්ක් කරලා ඒකෙ තියෙන සල්ලි ටික වෙබ්කාඩ් එකට credit කරගන්න නම් පුළුවන් වෙයි. ඒත් ඉතිං එහෙම කළත් ඔබට වෙබ්කාඩ් එකේ තියෙන සල්ලි ආයෙ cash කරලා අතට ගන්න නම් බෑ. :(

@ahs
PayPal account එකකින් online shopping කරන්න මල්ලි/නංගි ඒ account එකේ සල්ලි තියෙන එපැයි. ඉතිං වෙබ්කාඩ් එකක් හරි credit කාඩ් එකක් හරි ලින්ක් නොකර කොහොමද PayPal account එකට සල්ලි ලැබෙන්නෙ?
(ලංකාවෙ PayPal account වලට නම් සල්ලි ගෙන්වගන්න බෑ. ඔබට තියෙන්නෙ සල්ලි ගෙන්නගන්න පුළුවන් විදියෙ පිටරට PayPal account එකක් නම්, කුමන හෝ විදියකින් ඒ account එකට ලැබුණු සල්ලි වියදම් කරලා online shopping කරන්න පුළුවන්. ඒකෙ ගැටළුවක් නෑ.)

lahirupro said...

ස්තුති​ෙවවා වටිනා තොරතුරැ වලට!මට දැනගන්න ඔන PayPal balance කියලා තියෙන්නෙ මොකක්ද???

ධනික | Dhanika said...

@lahirupro
ප්‍රතිචාරෙට ස්තූතියි සහෝ! ම්... කෝ මං කොහෙවත් 'PayPal balance' කියලා දෙයක් ගැන කියලා නෑනෙ... :P

මෙහෙමයි... PayPal ගිණුමෙ අපේ ශේෂය පෙන්නන්නෙ හැමතිස්සෙම 0.00 කියලා. ඒ මොකද PayPal ගිණුම දන්නෙ නෑ අ‍පේ Webcard එකේ කොච්චර ශේෂයක් තියෙනවද කියලා. ඔබට අවශ්‍ය Webcard එකේ ශේෂය දැනගන්න නම් Sampath Card Center අමතලා පහසුවෙන්ම ඒ ගැන දැනගන්න පුළුවන්.

Miniruwan said...

Ela ela.. pattai.. okkoma saralawa, pahadiliwa kiyala deela tiyanawa.
Thanks Dhanika...

SaJeewA said...

ධනික සහෝදරයා,
ඉතාමත් ඉහලින් අගය කරනවා ඔයා කරන මේ සමාජ සත්කාරය. මමත් හොය හොයා හිටියේ eBay වලින් භාණ්ඩ මිලදී ගන්න විදිය ගැන. ඒ වගේම සම්පත් වෙබ් කාඩ්පත පිළිබඳවත්.

ඒ වගේම ට පොඩි ගැටළුවක් තයෙනවා. සමහර විට මගේ නොදැනුවත්කම නිසා මතු වුණු එකක් වෙන්නත් පුළුවන්. අපි මේ සම්පත් වෙබ් කාඩ්පත හරහා රු. 2000/- ක ගෙවීමක් සිදු කළා කියල හිතමු මුල්ම වරට. එතකොට සල්ලි අඩු වෙන්නෙ අපි මුලින් ම වෙබ් කාඩ්පත මිලදී ගන්න තියෙන මුදලින් ද?? නැතිනම් අර මුලින් කී රු. 2500ට අමතරව රු. 2000ක මුදලක් බැංකුවේ තැන්පත් කළ යුතුද?? ඒ වගේම ඉහත කී ගෙවීමට අදාලව වෙනත් අමතර ගාස්තුවක් බැංකුව මඟින් අයකර ගන්නවාද??

ධනික | Dhanika said...

@Miniruwan
Thanks machan!

@SaJeewA
බොහොම ස්තූතියි සහෝ ඔබේ ප්‍රතිචාරෙට!
Webcard එක සඳහා බැංකුවෙන් අයකරන්නෙ අවුරුදු 2ක් සඳහා රු.100 ක් (ඔබට සම්පත් ගිණුමක් ඇත්නම්) හෝ රු.200 ක් (ඔබට සම්පත් ගිණුමක් නැත්නම්) පමණයි. වෙනත් අමතර ගාස්තු කිසිවක් අයවෙන්නෑ. ඔබ උදාහරණෙ දක්වපු විදියට මුලින්ම රු.2000 ක භාණ්ඩයක් ගත්තොත් ඒ මුදල අඩුවෙන්න අර ඔබ මුලින්ම Webcard පතේ ආරම්භක තැම්පතුව ලෙස යොදපු රු.2500 න්.
මේ ගැන සවිස්තරව තියෙනවා මං ලියපු eBay කුප්පි #2 ලිපියෙ.

Pubudu said...

machan Danika Uba nam sirawatama ela lipi set ekak liyala thhiyenne...nana hitha hitha hitiye kohomada E-bay vedeta bahinne kiyala...

maxa lipi tika machan..digatama liyanna ubata jaya!

කුමාර said...
This comment has been removed by the author.
පුබුදු said...

සාමාන්යෙන් us $1 ගෙවිමක් සදහා webcard එකෙන් රැපියල් කීයක් අයවෙනවද.......?

ධනික | Dhanika said...

@Pubudu
බොහොම ස්තූතියි මචං!

@කුමාර
ප්‍රතිචාරෙට ස්තූතියි!
ඔබේ PayPal ගිණුමේ කුමක් හෝ ගැටළුවක් ඇති බවයි පේන්නෙ. ඔය සීමාකිරීම තාවකාලික එකක් ලෙස දක්වලා තියෙන නිසා ටික දවසකට පස්සෙ නැවත උත්සාහ කරලා බලන්න. එතකොට ගොඩක්විට හරියයි. ගැටළුව දිගටම පැවතුනොත් ඔබට ඔය PayPal ගිණුම අතහැර අලුතෙන් PayPal ගිණුමක් ආරම්භ කර එයට Webcard එක link කරගන්න පුළුවන්.

ධනික | Dhanika said...

@Pubudu
බොහොම ස්තූතියි මචං!

@කුමාර
ප්‍රතිචාරෙට ස්තූතියි!
ඔබේ PayPal ගිණුමේ කුමක් හෝ ගැටළුවක් ඇති බවයි පේන්නෙ. ඔය සීමාකිරීම තාවකාලික එකක් ලෙස දක්වලා තියෙන නිසා ටික දවසකට පස්සෙ නැවත උත්සාහ කරලා බලන්න. එතකොට ගොඩක්විට හරියයි. ගැටළුව දිගටම පැවතුනොත් ඔබට ඔය PayPal ගිණුම අතහැර අලුතෙන් PayPal ගිණුමක් ආරම්භ කර එයට Webcard එක link කරගන්න පුළුවන්.

Kingtakur said...

mcn,
me den okkoma uba kiyapu widihatama kala. web card ekath link kala.
https://www.paypal.com/lk
Enter the redemption code for your gift card, certificate, or coupon.
kiyana thenata ebay eke dena code eka mokadda

ධනික | Dhanika said...

@Kingtakur
"Enter the redemption code for your gift card, certificate, or coupon." කියන එක අහන්නෙ මචං අපි මොකක් හරි item එකකට pay කරන්න යනකොටනෙ. ඒක අපිට ඕන වෙන්නෙ අපිට ලැබුණු Refund Coupon එකක් redeem කරගන්න ඕන වෙලාවට වගේ වෙලාවට. ඒ ගැන මං මෙතන කියලා තියෙනවා.
සාමාන්‍ය විදියට PayPal වෙතින් ගෙවීම කරන්න ඔය කියන තැනට මුකුත් ඇතුලත් කරන්න ඕනෙ නෑ.

Kingtakur said...

මචං උඹ කියපු විදිහ හරි. ඒත් ඒ ගමන තව අවුලක් මේ පිංතූරෙ බලපං.
http://img517.imageshack.us/img517/875/ebayga.jpg
මේකට හේතුව මොකද්ද බං?

ධනික | Dhanika said...

@Kingtakur
ඔහොම එන්නෙනං බං කාඩ් එකේ සල්ලි නැති උනාම. :D
ගෙවන්න හදන ගානට වඩා අඩු ගානක් දැනට ඔයාගෙ කාඩ් එකේ balance එක ඇත්තෙ. Card Center call කරලා balance එක අහලා බලන්න.

Kingtakur said...

ඉතිං බං මම කාඩ් එක ගත්තෙත් ඊයෙ. paypal එක verified කලෙ අද. කොහොමද බං සල්ලි ඉවර වෙන්නෙ. සතයක් වත් වියදම් කලෙත් නැතුව :shocked:

Kingtakur said...

කාඩ් එක ඇවිත් දවස් දෙකක් වෙනව. pin code එක ලැබුනෙ ඊයෙ

ධනික | Dhanika said...

@Kingtakur
ඔබ ලිපිය සම්පූර්ණයෙන් කියවලා නෑ වගේ...

"හැබැයි කාඩ්පත සහ මුරපදය අතට ලැබුණු සැනින් ඔබට කාඩ්පත භාවිතා කරන්න බැහැ. කාඩ්පත සක්‍රීය (activate) කරන තුරු තවත් දිනක් දෙකක් බලාගෙන ඉන්න වෙනවා. ඔබ කාඩ්පතේ තොරතුරු PayPal වෙත ලබාදුන් විට ඔබේ කාඩ්පත වලංගු කාඩ්පතක් නොවන බව PayPal පවසනවනම් ඒ කියන්නෙ ඔබේ කාඩ්පත තවමත් සක්‍රීය වෙලා නෑ. කාඩ්පත සක්‍රීය වෙලා නම් PayPal මගින් ඔබේ කාඩ්පත වලංගු කාඩ්පතක් ලෙස බාරගන්නවා. සම්පත් Card Center ඇමතීමෙනුත් ඔබට කාඩ්පත සක්‍රීය වෙලාද නැද්ද යන්න දැනගන්න පුළුවන්."

නැවත වරක් මේ ලිපිය සම්පූර්ණයෙන් කියවන්න.

Kingtakur said...

PayPal එකෙන් කාර්ඩ් එක verified කරානෙ. බැංකුවෙනුත් කියනව කාර්ඩ් එක ඇක්ටිව් කියල. බැලැන්ස් එකත් තියෙනව එහෙම්ම
PayPal එකෙන් කැපුනු ගාණ නම් ආපහු ලැබුනෙ නෑ. ඒකලත් මෙහෙම අවුලක් වුනේ අනේ මන්ද බං. සහයෝගයට ස්තූතියි. :yes::yes:

Money said...

මාර ඉන්ටරස්ටින් ඊ-බේ ලිපි පෙළ නම්. කවුරු හරි දන්නවනම් කියනවද පේපැල් අකවුන්ට් එකට Payoneer Master Card එක ඇඩ් කරන්න පුළුවන්ද කියලා.

භානුක ලහිරු said...

ධනික අයියෙ මගෙ වයස 15 මට සම්පත් වෙබ් කාඩ් එකක් ගන්න බැරිද :) ? pls help me :(

ධනික | Dhanika said...

@Money
ස්තූතියි ප්‍රතිචාරෙට! පළමු ලිපි දෙකේ මං කියූ පරිදි PayPal සඳහා Visa, Master Card සහ Amex යන කාඩ්පත් එක් කරන්න පුළුවන්. නමුත් ඔබේ Master Card එකෙන් අන්තර්ජාල ගණුදෙනු සිදු කළ හැකිද යන වග ඔබේ බැංකුවෙන් විමසලා දැනගන්න වෙයි.

@භානුක ලහිරු
අනේ මල්ලියො eBay කුප්පි #2 කියෙව්වෙ නැද්ද? ඒකෙ මං පැහැදිලිව දාලා තිබ්බනෙ අවු 18 වැඩි වෙන්න ‍ඕනෙ කියලා... :P
හැබැයි ඉතිං මල්ලිට අම්මගෙ හරි තාත්තගෙ හරි නමින් කාඩ් එකක් අරගෙන ඒක මල්ලිගෙ PayPal account එකට එක් කරගන්නනං පුළුවන්.

Ebay Items said...

Here are some Coolest Items I recommended to buy from Ebay

http://buysfromebay.blogspot.com/

ඉශාන් තිළිණ said...

ඔන්න මේකත් කියෙව්වා. Thx a lot :)

දිලීප said...

Web card එක Alert pay වලට ඇඩ්කරන්නත් පුලුවන් වෙයිද?

Dulshan EDITS said...

Good....Eth mata age eka thama problem eka....15 thama.......

kasunyapa1 said...

ela ela niyama wedak...

Dilusha said...

danika aiyandiiiii mage gane uuuuuuuuuuuummmmmmmmmmmmmmmmmmmmmmmmmaaaaaaaaaaaaaaaa 1k oyata (nana dakida danne na :O) ade lokka tnx hodee habai paypal activation 1 dan tikak wenas....bt ganak na oya kuppiya baluwama ekath gemak naa....habai epa une mata masayai dawas 5k a kianne dawas 35k giya card 1 thatama labenna....habai badu mama adama activate kala dawas 3k bala inna une na....tnx hodeeeee

ලො‍ක්‍කා said...

මම මේ අහන්න යන ප්‍රශ්ණය වැදගත්ද කියලා නම් මම දැන්නේ නෑ ඒ වගේම මම තාම කියව්වේ මේ ලිපි(1,2,3) විතරයි ඉදිරියේදී මේ වගේ ප්‍රශ්ණයකර පිළිතුරු දීලා තියෙනවාද කියලවත් මම දන්නේ නෑ. හැබැයි මෙතනට මේ ප්‍රශ්ණය අදාලයි වගේ හිතුන නිසා මම අහන්නම්.
Q1 : Sampath Webcard වෙත paypal හරහා හෝ වෙනත් අන්තර්ජාලීය ගණුදෙනුවක් හරහා මුදල් ළබා දී recharge කළ හැකිද?
Q1.1 : කළ නොහැකිනම් paypal මඟින් අපෙන් ළබා ගන්නා $1.95 හෝ ඊට වැඩි මුදල අපේ ගිණුමට ලැබෙන්නේ කොහොමද?
Q2 : paypal මඟිම් අපි කරන ගණුදෙනු සදහා මුදල් ලබා ගන්නවාද?

බොහෝම ස්තූතී

ධනික | Dhanika said...

@ඉශාන් තිලිණ
අහ්! එළ එළ...

@දිලීප
ඔව් පුළුවන්.

@Dulshan EDITS
හෙ හේ... එහෙනම් මලයො තව ටිකක් වයසට යනකං ඉන්න වෙනවා. නැත්තං ඉතිං අම්මා තාත්තා ඉන්නෙ, ගන්න බැරියෑ එයාලගෙ නමින් කාඩ් එකක්... :D

@kasunyapa1
ස්තූතියි!

@Dilusha
අම්මෝ මල්ලි මාර වැඩ තමයි කරන්නෙ... නෑනා දැක්කා නම් විනාසයි... :P
කාඩ් එක බැංකුවට ගිහිං අරගන්න විදියට දැම්මා නම් ඉක්මණට ගන්න තිබ්බා. තැපෑලෙ එනකොට කොහෙමත් කල් යනවා. එළ එළ... කොහොමහරි දැන් වැඩේ ගොඩනෙ... ජයවේවා! :)

@ලො‍ක්‍කා
තමන්ට ප්‍රශ්නයක් මතු උනාම අනිත් අය ඒ ගැන හිතන දේ හිතන්න ඕනෙ නෑ ලොක්කො... තියෙන ප්‍රශ්නයක් කෙළින්ම අහන්න... කිසි අවුලක් නෑ... ඔන්න එහෙනම් උත්තර...

A1 : Sampath Webcard වෙත Paypal හරහා අන්තර්ජාලීය ගණුදෙනුවක් මඟින් මුදල් ලබාදී recharge කළ නොහැකියි. මෙය‍ට හේතුව Paypal තුළ තවම ශ්‍රී ලංකාව 'Sent only' රටක් වීමයි. නමුත් වෙනත් අන්තරිජාලීය ගණුදෙනුවක් මඟින් වෙබ්කාඩ් එකට මුදල් එවන්න පුළුවන්.

A1.1 : අපේ Paypal ගිණුමට වෙනත් ගිණුමකින් මුදල් එවීම තමයි කළ නොහැකි දෙය. නමුත් අපේ Paypal ගිණුමෙන් අප කළ ගෙවීමකට අදාළ refunds නැවතත් අපේ Paypal ගිණුමට ලැබීම සිදු වෙනවා. ඔබ සඳහන් කළ $1.95 වගේම භාණ්ඩ සඳහා sellersලා සිදුකරන refunds අපේ Paypal ගිණුමට ලැබෙන්නෙ මේ නිසයි.

A2 : නැහැ. අපි buyersලා හැටිය‍ට කරන ගණුදෙනු සඳහා ඔවුන් අය කරන්නෙ නැහැ. ඔවුන් ඒ සඳහා අය කරගන්නෙ sellersලාගෙන්. Paypal වෙත මුදල් ලැබෙන්නෙ එලෙසයි.

තව අපැහැදිලි දෙයක් තියෙනවනම් අහන්න. දන්න තරමින් කියලා දෙන්න උත්සාහ කරන්නම්. ජයවේවා! :)

mahesh said...

maxxaaaaaaaaaaa........................

Pravin Indranama said...

මගේ කාඩ් එක පේපෑල් එක්ක අවුලක් නැතුව කනෙක්ට් කරගත්තෙ මේ ලිපියේ ආනුභාවයෙන් තමයි ඕං! :)
ජය වේවා!!

ibm said...

niyamai saho.post eka.onna maath web card ayadum kala.thnx

SSC අන්තර්ජල සමාජය said...

මගේ කාඩ් එක පේපෑල් එක්ක අවුලක් නැතුව කනෙක්ට් කරගත්තෙ මේ ලිපියේ ආනුභාවයෙන් තමයි

Nihanthaj said...

machan pay pal sign up karanakota lankawe address ekak dana ekada honda? pitarata address ekak dana ekada wada honda? mata japan address ekak tiyenawa eka dannada ?

ධනික | Dhanika said...

@mahesh
Thanks! :)

@Pravin Indranama
අහ්! එළ එළ... ඒ ගැන කියලා යන්න කෘතඥ වෙච්ච එකට ස්තූතියි මචෝ...!!

@ibm
ස්තූතියි ප්‍රතිචාරෙට!

@SSC අන්තර්ජල සමාජය
ස්තූතියි ඒ ගැන කියලා යන්න කෘතඥ වුනාට!

@Nihanthaj
ඔබ eBay වෙතින් මිලදී ගන්න භාණ්ඩ ඔබ වෙත ලැබෙන්නෙ ඔබේ PayPal ගිණුමෙ තියෙන ලිපිනයට. ඉතිං ඔබ PayPal වෙත වෙනත් රටක ලිපිනයක් ලබා දුන්නොත් ඔබේ භාණ්ඩ ලැබෙන්නෙ ඒ ලිපිනයට.
ඔබේ PayPal ගිණු‍ම ඔබ භාවිතා කරන්න බලාපොරොත්තු වෙන්නෙ මුදල් ගෙවීම් සඳහා පමණක් නම්, පිට රටක ලිපිනයක් ලබා දීමේ අවශ්‍යතාවක් කොහොමත්ම නෑ. අනෙක් අතට ඔබ මුදල් ලැබීම්ද සිදුකිරීමේ අරමුණින් වෙනත් රටක ලිපිනයකට ගිණුම හදාගත්තත් ඒ ගිණුමෙන් මුදල් ගෙවන භාණ්ඩයක් ඔබට ලංකාවට ගෙන්වාගන්න පුළුවන්කමක් නෑ.

MADUWA said...

ධනික අයියෙ අපි paypal US account එකක් හදල ඒකට අපේ සම්පත් webcard එක link කරාට පස්සෙ අපිට ඉන්ටෙර්නෙට් money එද්දී එවා webcard එකට යනවද ?
US address එකක් තියෙන නිසා අපට ebay shopping කරන්න බෑනෙ !! එතකොට ඒ webcard එක අපේ SL paypal account එකට ආයිමත් link කරගෙන shopping කරන්න පුලුවන්ද ? ඒ කිව්වෙ paypal account 2කට webcard එක link කරන්න පුලුවන්ද ??

prasanna said...

great work dhanika brother..
i have a question..

Can i link my sampath double S account with paypal..(i have a debit card for sampath double s) ?
thank you.

ibm said...

බොහොම ස්තුතියි සහොදරයා!

Buddhi's | බ්ලොග් said...

හුරේ 100 වෙනි ප්‍රතිචාරම මගේ !
paypal එකට link කරගන්න හැටි දන්නේ නැතුව තමයි හිටියේ..
තැන්කු වේවා.

rangika said...

macho mata punci problem akak thiyenava api ape password aka denava neda aka aulak nadda money valata mukuth venne na neda puluvannan poddak a gana kiyanna

KRMK said...

niyamai. thankuu..

කමල් said...

ලිපිය හොදයි..දැන් වැඩේ කරල බලන්න ඹන..

magic world said...

Can I add money to paypal main balance from my web card?

B-NEZ said...

මට වෙබ් කාඩ් එක ලැබුනත්, අර අංක 3ක්ද 4ක්ද කොහෙද තියෙන "Card Verification Number" එක කාඩ් එකත් එක්ක දුන්නෙ නෑ. ඒක බැංකුවට කියලා ඉල්ල ගන්න ඕනෙද?

dumindume said...

ස්තූතියි මචෝ.
මට මේකත් කියල දෙනවද?
http://img818.imageshack.us/img818/8488/clip4a.jpg

dumindume said...

මගේ කාඩ් එක පේපෑල් එක්ක අවුලක් නැතුව කනෙක්ට් කරගත්තා. PayPal එකෙන් කාර්ඩ් එක verified කරා. ඒත් ඒ ගමන තව අවුලක් මේ පිංතූරෙ බලපං....

http://img818.imageshack.us/img818/8488/clip4a.jpg

wgcherath said...

මචං මට තියන ප්රශ්ණය paypal ගිණුමක් Verify කරන්නේ නැතිව ඒ ගිණුමට සල්ලි යවන්න පුලුවන්ද Internet වලින් උපයපු සල්ලි

ධනික | Dhanika said...

@MADUWA
ඒවා webcard එකට යන්නෙ නෑ මල්ලි. ඒවා online money විදියට PapPal balance එකේ පෙන්නනවා. අපිට ඒ මුදල් මොනම විදියකින්වත් අතට ගන්න බෑ. නමුත් ඒ මුදල් යොදාගෙන‍ බොහෝ eBay ගණුදෙනු (භාණ්ඩය එවන්නෙ Paypal ලිපිනයට කියා seller විශේෂ සඳහනක් කර නොමැති භාණ්ඩ මිලදී ගැනීමට) හෝ online payments කරන්න පුළුවන්. අනිත් ප්‍රශ්නෙට උත්තරේ, එකම කාඩ් එක Paypal accounts දෙකකට link කරන්න බෑ.

@prasanna
Thanks brother! No, you can't link that card to Paypal.

@ibm
ඔබේ ප්‍රතිචාරෙටත් බොහෝම ස්තූතියි!

@Buddhi's | බ්ලොග්
බොහොමත්ම ස්තූතියි 100 වෙනි ප්‍රතිචාරෙට! මටත් ගොඩාක් සතුටුයි ප්‍රතිචාර 100 කටත් වඩා ලැබෙන ලිපියක් ලියන්න පුළුවන් වීම ගැන. :D

@rangika
අපි අපේ password එක දෙන්නෙ PayPal වලට විතරනෙ. එහි කිසිම ගැටළුවක් නෑ. Paypal තුළ අපේ තොරතුරු සුරක්ෂිතයි.

@KRMK
බොහොම ස්තූතියි!

@කමල්
අහ්! ස්තූතියි! දැන් ඉතිං කරලම බලන්න... ;)

@magic world
You cannot add money to Paypal main balance. But if your card is already linked to Paypal, then when you make some payment, Paypal will get money from your card & transfer it to your payee. That's how it works!

@B-NEZ
ඒක ලැබෙන්නෙ කාඩ් එකත් එක්කමයි. ලැබුනෙ නැත්තම් පොඩ්ඩක් ඔබේ බැංකු ශාඛාවෙන් විමසා බලන්න.

@dumindume
ඔබේ ප්‍රතිචාරෙටත් ස්තූතියි!
ඔබ ඔය ගැන කලබල විය යුතු නෑ. Unverified ලෙස සඳහන් වී තිබුනත්, ඔබ ඔබේ වෙබ්කාඩ් එක නිසිලෙස Paypal වෙත link කළා නම් ඔබට දැන් ඔබේ Paypal ගිණුමෙන් ඕනෑම ගෙවීමක් කරන්න පුළුවන්. (මං මේ පිළිබඳ 4 වෙනි ලිපියෙ සඳහනකුත් කරලා ඇති, බලන්න)

@wgcherath
ශ්‍රී ලංකාවෙ Paypal ගිණුම් වලට නම් කොයිලෙසකින්වත් මුදල් ලබාගන්න (receive money) බෑ. නමුත් ඔබ‍ට වෙනත් රටක PayPal ගිණුමක් තිබේ නම් ඊ‍ට මුදල් ලබාගන්න පුළුවන්. නමුත් ඒ මුදල් අතට ගන්න බෑ. Online payments සඳහා පමණක් යොදාගන්න පුළුවන්.

dumindume said...

Thanks macho, Mage address eka confirm karagaththa. Address eka confirm karanakan account eka limited access kiyala kiwwa. Mata mails 2k awa address eka confirm karanna utility bill ekak ewanna kiyala. Mage namata utility bill na. Ithin mama bank ekakin Address confirmation letter ekak aragena, Pass book eke image ekai, University ID image ekai(eke address eka thiyenawa ne)upload kara. Dawas 3kata withara passe mail ekak awa. Caneda/US address witharai confirm karanna puluwan, Eth mage address ekath confirm widiyata accept kara kiyala. Account ekath restore wela thibuna.

Umbage blog ekata thanks.. Mama paypal account eka hadala 2 years withara wenawa. Card eka link karaganna baruwa hitiye. Dan ekath hari.

vimukthi said...

Thakx

praween said...

Dhanika Sahodaraya,,,,

Mulinma Thanx. apita paypal Acount ekak, eBay Acount ekak hadaganna kiyala dunnata. mama Sampath web card ekakuth Apply kalla. (tawama card ekanam hamba wune ne)okkoma hari. But mata podi prashnayak tiyenawa. mama eBay walin ha Ha puraa kiyala (usb extension Cord) ekak genna kiyala hitala search karaa. Baduth hamba wunna.
Eke mehema tiyenawa

0 Bids $5.89
Buy It Now $6.49

Free shipping

mata maha loku oluwak tibunata me podi eka terum ganna be. Mokakkda me 0 BIDS? FREE SHOPPING?

Etakota free shopping kiyala nogahapuwath tiyenawa. e monaeada?

Mata me sena podi Kuppiyak denawada?

THX,,
Praween
(Rathnapura)
0724601936
praween072@gmail.com

ධනික | Dhanika said...

@dumindume
අහ්! එහෙනම් හරිනෙ. :)

@vimukthi
Welcome!

@praween
ඔබට පුංචි වැරදීමක් වෙලා. ඔය සඳහන් වෙලා තියෙන්නෙ Free Shopping කියලා නෙමෙයි, Free Shipping කියලා. ඒ කියන්නෙ ප්‍රවාහන ගාස්තු නොමිලේ කියන එක.

0 Bids කියන්නෙ මේකයි. ඔබට ඔය භාණ්ඩය කෙලින්ම මිලදී ගන්න වගේම, වෙන්දේසියේ දමා ඇති නිසා ලංසු තබා වෙන්දේසිය ජයගෙන මිලදී ගන්නත් පුළුවන්. 0 Bids කියලා තියෙන්නෙ තාම එක ලංසුවක්වත් මේ භාණ්ඩයට නොමැති බව. ඊට ඉදිරියෙන් $5.89 ලෙස තිබෙන්නෙ ඔබ ලංසු තබනවානම් තැබිය යුතු පළමු ලංසුවේ අගය. Buy It Now $6.49 ලෙස තිබෙන්නෙ කෙලින්ම මිලදී ගන්නවා නම් ගෙවිය යුතු මිල. Free Shipping ලෙස තිබෙන්නෙ අර $6.49 ට අමතරව ඔබ ප්‍රවාහනය සඳහා ගාස්තු නොගෙවිය යුතු බව.

දැන් පැහැදිලියි කියලා හිතනවා. eBay තුල ඔය වෙන්දේසි (Auctions) සහ ලංසු තැබීම (bidding) ගැන මං ළඟදිම ලිපියක් ලියන්නම්. එතකල් ‍Buy it Now වලින් මිලදී ගැනීම් සිදුකරන්න. ඔබට ජය!

ishara said...

අයියෙ මට නම් තාම වයස 16 යි.අම්මගෙ නමින් හරි තාත්තගෙ නමින් web card එක ලබා ගත්තට පස්සෙ pay-pal account එක හදනකොටත් අම්මගෙ නමද use කරන්න ඕනෙ?
තව අන්තර්ජාලය හරහා ලැබුන මුදලක් web-card එක හරහා සාමාන්‍ය cash බවට පත් කරගන්න පුලුවන්ද?

ishara said...

ආ තව එකක්.

"ශ්‍රී ලංකාවෙ Paypal ගිණුම් වලට නම් කොයිලෙසකින්වත් මුදල් ලබාගන්න (receive money) බෑ. නමුත් ඔබ‍ට වෙනත් රටක PayPal ගිණුමක් තිබේ නම් ඊ‍ට මුදල් ලබාගන්න පුළුවන්."

එතකොට e-bay වල එහෙම shopping කරන කොට මොකක් හරි භාණ්ඩයක් ගෙන්නවගන්නකොට ඒක එවන්නෙත් පිටරට address එකටද?

Akhila said...

බොහොම ස්තුතියි මචෝ !

subashblog said...

Card Verification Number: මේ සඳහා ලබා දිය යුත්තේ Webcard එක සමඟ ඔබට ලැබුණු අංක හතරකින් යුත් මුරපදය..

CVV include 3 numbers not 4....

anyway maxxa post..

dona said...

ධනික, උඹේ උදව්වෙන් මාත් SAMPATH Web Card එකක් අරන් ඒකෙන් පලමු e Bay ගණුදෙණුව සාර්තක ලෙස සිදු කලා. ඒත් පොඩි අවුලක් වුනා. මම PayPal code එක බැංකුවෙන් අහගෙන මගෙන් කපා ගත්තු $ 1.95 ආපහු ගන්න try කලත් ඒ මුදල මට ලැබුන බවක් Pay Pal එකේ පෙන්නන්නේ නෑ. ඒක පෙන්නන්නේ කොතැනද? මේ අවුල ගැන මට උදවු කරපන්.

DASUN said...

මෙම ලිපිය ඉතා වැදගත් ලිපියකි

ධනික | Dhanika said...

@ishara
Paypal account එක ඔයාගෙ නමට හදන්න. ඒකට ඕනෙම කෙනෙක්ගෙ නමින් තියෙන webcard එකක් link කරන්න පුළුවන්. ඒකෙ ගැටළුවක් නෑ.

දෙවෙනි කමෙන්ට් එකේ ප්‍රශ්නෙට උත්තරේ මෙහෙමයි. සමහර sellersලා එයාලගෙ items වල විශේෂයෙන් සඳහන් කරනවා "Ships only to the Paypal address" කියලා. ඒ වගේ items අර විදියට අපිට ගෙදට්ට ගෙන්නගන්න බෑ. ඒත් එහෙම සඳහනක් නැත්නම් අපි ගන්න භාණ්ඩ ලැබෙන්නෙ අපේ eBay ගිණුමෙ ලිපිනයට. ඒ නිසා පිටරට Paypal account එකකින් උනත් ගෙවලා ගෙදට්ට භාණ්ඩ ගෙන්නගන්න පුළුවන්. [මං එහෙම ගෙන්නගෙන තියෙනවා. අත්දුටුවයි සහතිකයි! ;)]

@Akhila
ඹබේ ප්‍රතිචාරෙටත් බොහොම ස්තූතියි මචෝ...!

@subashblog
Thanks for the comment! And thanks for the correction too. I'll correct it asap. :)

@dona
ලංකාවෙ Paypal ගිණුම් වල කිසිම වෙලාවක balance එකක් පෙන්නන්නෑ මචෝ. ඒ කපා ගත්තු ගාන කෙලින්ම කාඩ් එක‍ටම ආයෙ බැර වෙනවා. හැබැයි ඒක‍ට ටික දවසක් යනවා මචෝ, සමහරවිට සතියක් විතර යන්න පුළුවන්.‍

@DASUN
ඔබේ ප්‍රතිචාරයත් මට බොහොම වැදගත්! ඔබ‍ට ස්තූතියි!

nandezu said...

මචන් පොඩි කොස්සක් මම අද උදෙ CARD එක VERIFY කලා එත් PAYPAL එකෙ සල්ලි තාම් පෙන්නන්නෙ නෑනේ..එ මොකද?

Madawa said...

ela ela machan. great work.... issarahata karagena yamu.....

uditha said...

wadan ne bro tanx karanna. mama web card aran tiyenne but me wistara okkoma wage dana gatte broge lipi pelin tama ele ela. bst f luck

Isuru said...

machan sri lankan address ekakin hadapu paypal premier account ekata ebay sellersla refund karana money recieve karanna puluhnada.web card eka join karanna hoda paypal personal or premier account ?

ධනික | Dhanika said...

@nandezu
කාඩ් එකේ තියෙන සල්ලි Paypal එකේ balance එක විදියට පෙන්නන්‍නෑ මචෝ. ඒ නිසා ඒ ගැන කරදර වෙන්න එපා, ඒක සාමාන්‍ය දෙයක්.

@Madawa
Thanks machan!

@uditha
බොහොම ස්තූතියි සහෝ...! :)

@Isuru
Refund කරන මුදල් ඕනෙම Paypal ගිණුමකට ලැබෙනවා මචෝ. Refund එකක් එවීමෙදි වෙන්නෙ හරියට Paypal වෙතින් කළ ගණුදෙනුවක් හෝ එයින් කොටසක් cancel වීමක් වගේ වැඩක්නෙ. ඒ නිසා refund එකක් ලැබීමට Paypal ගිණුමෙ වර්ගය බලපාන්නෑ.
අනිත් ප්‍රශ්නෙට උත්තරේ, අනාගතේ ගැනත් හිතලා Premier account එකක් හදන්න. (කවදමහරි දවසක අපිට Paypal හරහා මුදල් ලබාගන්නත් හැකියාව ලැබේවිනෙ)

Isuru said...

thanks machan answer ekata.ube lipi tiken ebay gana kisisma deyak dannati kenekta unth awabodayak ganna puluhan.mehema digatama karan yamu machan.jaya wewa.....

Isuru said...

machan dhanika tawa ekak, paypal accout eka hadaddi srilankan address ekata haduwata awlak na neda,samaharu man dakka srilanka dammama money receive karanna ba kyla tibba.ehama unot haddisiyewat refund ekak ganna widihak nane.ekat tiaka kypan.tnx for ur afford machan.

ධනික | Dhanika said...

@Isuru
බොහොම ස්තූතියි මචං!
ඔබ දෙවෙනියට අහපු ප්‍රශ්නෙට උත්තරේ මම කලින්ම දුන්නා මචං. මෙන්න මේ ටික තේරුම් ගන්න. Refunds ලැබෙනවා කියන එකයි, වෙන කෙනෙක් අපට එවන මුදල් receive කරනවා කියන එකයි, දෙකක්. Refunds ලැබීමෙදි වෙන්නෙ අපි අපේ ගිණුමෙන් කළ ගෙවීමක් සම්පූර්ණයෙන් හෝ පාර්ශ්විකව අවලංගු වීමක් වෙනවා වගේ වැඩක්. ඔබ මොන ලිපිනයකින් මොන Paypal account එකක් හැදුවත් ඔබට refunds අනිවාර්යෙන් ලැබෙනවා.

Sri Lankan Paypal accounts වලට බැරි වෙනත් අයෙක් අපේ Paypal ගිණුමට එවන මුදල් receive කරන එක විතරයි.

පැහැදිලි ඇති කියලා හිතනවා. තවත් අපැහැදිලි තැනක් තියෙනවා නම් ආයෙ අහන්න. තව පැහැදිලි කරන්නම්.

Isuru said...

elatama teruna machan.uba sirawata pahadilai karala tibbane.dan e gana mkwat prashna na.tnx machan uba api wenuwen wena mahansiyata.

Amal Madawa said...

Dhanika,

mama Paypal walata mage card 1ka Link karanna yanakota me wage error 1k enawa

"This card has been disabled for entry into the PayPal system. Please add a different card. You may also contact us using this form."

ekata mokadda karanna onee?????

ධනික | Dhanika said...

@Amal Madawa
ඔය error එක එන්න පුළුවන් හේතු කීපයක්ම තියෙනවා.
ඔබ link කරන්න හැදුවෙ සම්පත් webcard එකක් නම්, කාඩ් එක තාම activate කරලා නැති වෙන්න පුළුවන්. නැත්නම් ඔබේ කාඩ් එක යම්කිසි හේතුවක් නිසා අවලංගු වෙලා තියෙන්න පුළුවන්. (මේ ගැන බැංකුවෙන් විමසන්න)
ඔබ link කරන්න හැදුවෙ වෙනත් කාඩ් එකක් නම් ඒ කාඩ් එක අන්තර්ජාල ගණුදෙනු සඳහා යොදාගත නොහැකි කාඩ් එකක් වෙන්න පුළුවන්.

Amal Madawa said...

ok... thanx..
mama balala Comment 1k danam..

oyage blog 1ka godak watinawa...
thank u very much...!

Amal Madawa said...

ekkenekuta paypal accounts godak hadagena inna puluwanda... mage kalin paypal 1kata webcard 1ka link karanna baaa.mama aluth 1kak hadala link kara.

sameera udayanga said...

thanks macho. mata chuti problem rkak thiyanawa.

me sampath web card eka alertpay ekata link karala alertpay eke thiyana salli apita ganda barida?

pls mata udau karanda.

thaks

Kedbian said...

lowet na machan umba mewa ganata step by step explain karala tiyana vdiha kiala wadak na.
thank u very much for sharing these things!!!

Lihil Uthpala Subasinghe said...

ඔන්න ඉතින් ධනික අයියගේ පිහිටෙන් මමත් වෙබ් කාඩ් එක ලින්ක් කළා ඔන්න. මේ වෙබ් කාඩ් එකේ තව කොච්චාර ඉතුරුද කියල බලන්නේ කොහොමද? තව ප්‍රශ්නයක්, ඇලට් පේ එක වෙබ් කාඩ් එකත් එක්ක ලින්ක් කරන්න පුළුවන් කියල අයිය කියල තිබුනා මේකේ උඩ හරියේ. ඇලට් පේ වල තියන සල්ලි වෙබ් කාඩ් එකට ගෙන්න ගන්න පුලුවන්ද? අන්තිමට කියන්න ඕනේ මේ ටික නම් මාර වටින ලිපි පෙළක් :)

Wasana Wickramasinghe said...

aiye...paypal ape card eke password eka eyala illanawane...eka ehema dunnata aulak nadda??api sing up weddi eyala eka illanawa neda??

Dagaya said...

ඇත්තටම මචං e-Bay එකෙන් බඩු ගන්න විදිය මටත් ලොකු ගැටලුවක් වෙලා තිබුනෙ.
Thanks... මචං

ලක්ශාන් said...

බොහොම ස්තුතිය් අය්යෙ නියමයි

නිලන්ති said...

ගොඩක් ස්තුතියි හැමොටම. වි‍ශේෂයෙන් ධනිකට.
මට ගැටළු කිහිපයක් තියෙනවා. දන්න කෙනෙක් උදව් කරන්න..
අපිට දොෂ සහිත භාන්ඩයක් ලැබුනම අපේ මුදල් ආපසු ගෙන්වගන්නේ කොහොමද?ලංකාවේ පේපල් එකට එහෙම සල්ලි ගෙන්වගන්න පුළුවන්ද?
ඒ වගේම ලංකාවේ පේපල් එකකින් අපිට ebay seller කෙනෙක් වෙන්න පුළුවන්ද? එහෙම බැරිනම් පිටරට තියෙන පේපල් Account එක sampath web card එකෙන් verify කරන්න පුළුවන්ද?

ධනික | Dhanika said...

@Amal Madawa
ස්තූතියි! එක්කෙනෙකුට Paypal ගිණුම් ගොඩක් හදාගෙන ඉන්න පුළුවන්, ඒකෙ ගැටළුවක් නෑ. නමුත් එකම Webcard එක හෝ Credit card එත Paypal ගිණුම් 2 කට link කරන්න බෑ. එක කාඩ් එකක් link කරන්න පුළුවන් එක Paypal ගිණුමකට විතරයි.

@sameera udayanga
ස්තූතියි මචෝ! එහෙම කරන්න බෑ. කාඩ් එකට නැවත ලබාගන්න පුළුවන් refunds විතරයි. Alertpay එකේ ඔච්චර කරදර වෙන්න දෙයක් නෑ. ඒකෙන් ලංකාවෙ බැංකු ගිණුමකට මුදල් withdraw කරගන්න පුළුවන්.

@Kedbian
බොහොම ස්තූතියි මචෝ!! :)

@Lihil Uthpala Subasinghe
ලිපි ටික ගැන දීපු ප්‍රතිචාරෙට නම් ගොඩක් ස්තූතියි! ඔයාගෙ ප්‍රශ්නෙට උත්තරේ බලාගන්න ඔය උඩ sameera udayanga ට දීපු පිළිතුර කියවන්න.

@Wasana Wickramasinghe
ඔව් නංගි, sign up වෙද්දි නෙමෙයි කාඩ් එක link කරද්දි password එක ඉල්ලනවා. එතනදි password එක Paypal වෙත දුන්නට කිසි ගැටළුවක් නෑ. මොකද Paypal ආරක්ෂිතයි. අපේ password එක කෙලින්ම sellerලට දීම තමයි කිසි විටෙන නොකළ යුත්තෙ.

@Dagaya
ප්‍රතිචාරෙට ස්තූතියි මචං!

@ලක්ශාන්
ස්තූතියි මල්ලි!

@නිලන්ති
ලංකාවෙ Paypal ගිණුම් වලට වෙන කෙනෙකුගෙන් මුදල් ගෙන්වාගන්න බෑ තමයි. නමුත් refunds කියන්නෙ වෙන කෙනෙකු අපට එවන මුදල් නෙමෙයි. Refunds ලැබීමෙදි වෙන්නෙ අපි කරන ලද ගෙවීමක් සම්පූර්ණයෙන් හෝ කොටසක් අහෝසි වෙලා අපිට ඒ අපි ගෙවපු මුදල් ආපසු ලැබීමක් වැනි දෙයක්. ඒ නිසා ලංකාවෙ විතරක් නෙමෙයි ලෝකෙ ඕනෙම Paypal ගිණූමකට refunds ලබාගන්න පුළුවන්.

ලංකාවෙ Paypal ගිණුමකින් අපිට eBay seller කෙනෙක් වෙන්නනම් බෑ. ඒ සඳහා වෙන රටක ගිණුමක් අවශ්‍යයි. වෙන රටක ගිණුමක් සම්පත් webcard එකෙන් verify කරන්න පුළුවන්. ඒත් හැබැයි එකම webcard එක Paypal ගිණුම් 2 කට link කරන්නනම් බෑ.

Admin said...

thanx
watinakama kiyanna behe

නිලන්ති said...

සාර්ථකව Ebay seller කෙනෙක් වෙන ක්‍රමය දන්නවනම් කියනවාද ? ඒ ගැන ඉගෙන ගන්න ලොකු කැමැත්තකින් ඉන්නේ

E-Globe said...

ane aiye mama dan dawas 5kata withara kalin webcard eka link kala.eaka hariyatama kala. eath account ballence eka 0.00 .mama item ekak ganna try kala payment eka confirm karanakota error ekak enawa

jeewan said...

මට webcard එක හම්බුනා පෙරේදා..මම බ්ලොග් එකේ විදිහට paypal account හදලා ලින්ක් කරලා..ඒත් මන් හෑදුවේ PRIMER ACCOUNT එකක්.මට ඒකේ personel account එකකට වඩා අවාසියක් තියෙනවද,අමතර fee එකක ගෙවන්න වෙනවද ebay,amazon බඩු ගන්නකොට...?

thanku.

Lahiru Chandima Senarathna said...

එල මචන් එල ඔහෝම යං

ෆා said...

ඇත්තටම බොහොම වැදගත් උනා මේ ලිපි පෙල. පොඩි ප්‍රශ්නයක් තියෙනවා ධනික. අපි හිතමු ඔන්ලයින් ජොබ් එකක් වගේ දෙයක් කරලා අපේ පේපෑල් අකවුන්ට් එකට මුදල් බැර උනා කියලා. අපිට ඒ මුදල Withdraw කරන්න පුළුවන්ද අපේ බැංකු ගිනුමකින් හෝ වෙන මොනවා හරි ක්‍රමයකට?

praween said...

Dhanik, mama ada aypal eken ebay ekata gewanna gihin magen $1.95 ewa 4k charge welaa kiyala mata commercel bank cradit card center eken kiwuwa, e kiyanna (Resend PayPal code kiyana eka uda 4 paarak Click karala) mata dena ganna oni e mudala mata apahu lebenawada kiyala, eka lebenawanam lebenne mage Acount ekatada?

Oyata puluwannam mata mekata utharayak denna. me mage Mail eddress eka praween072@gmail.com.



Thanksssssss,

ධනික | Dhanika said...

@Admin
ස්තූතියි!

@නිලන්ති
මට පුළුවන්කම තියෙන්නෙ eBay seller කෙනෙක් වෙන අයුරු පිළිබඳ තාක්ෂණිකව දැනුවත් කරන්න විතරයි. සාර්ථක seller කෙනෙක් වෙන නොවෙන එක තීරණය වෙන්නෙ ඉතිං තමන්ගෙ අලෙවිකරණ හැකියාව මත තමයි. :)

@E-Globe
Account balance එක 0.00 තියෙන එක නම් අවුලක් නෑ මල්ලි. කාඩ් එකේ මුදලි තිබ්බට ඒ මුදල් ඔයාගෙ account එකේ පෙන්වන්නෑ. නමුත් pay කරන්න යද්දි error එකක් එනවනම් ඒ කියන්නෙ තාම කාඩ් එක confirm වෙලා නෑ.

@jeewan
එහෙම අවුලක් නෑ. Premium account කියන එක ලංකාවෙ Paypal ගිණුම් වලට එච්චර වැඩක් නෑ. පිටරට ගිණුම් වල නම් Personnel ගිණුම් වලින් පුළුවන් මුදල් යවන්න විතරයි, Premium ගිණුම් වලින් යවන්න සහ ලබන්න දෙකම පුළුවන්. ලංකාවෙ ගිණුම් වලින් ඉතිං කොහොමත් මුදල් ලබන්න බෑනෙ. :P

@Lahiru Chandima Senarathna
ස්තූතියි මචං!

@ෆා
Online job වලින් ලැබෙන මුදල් Paypal ගිණුමට ලබාගත්තොත් අපිට ඒක withdraw කරලා අතට සල්ලි ගන්නනං බෑ. නමුත් eBay එකෙන් භාණ්ඩ මිලදී ගන්න, domain, hosting ගන්න වගේ Online payments වලට යොදාගන්න පුළුවන්. අතට සල්ලි ගන්න ඕනෙනං Moneybookers භාවිතා කරන්න.

@praween
සම්පූර්ණ වැරැද්ද ඔයාගෙනෙ. කාඩ් එකෙන් සල්ලි කැපිලත් ඇයි ආයෙ Resend Paypal code එක click කළේ? එහෙම කරන්න ඕනෙ වැරදිලාහරි සල්ලි කැපිලා නැත්තං විතරයි. දැන් ඉතිං ඔයාට ආයෙ $1.95 හතරක්ම ලබාගන්නනං බෑ. අවසාන වතාවට කපාගත්තු $1.95 විතරයි Paypal එකෙන් ආපසු refund කරන්නෙ. ඒ refund එක ඔයාගෙ කාඩ් එකටම (බැංකු ගිණුමටම) ආපසු ලැබෙයි.

funstory said...

dan thiyana paypal acct 1n web card 1ka remove karala wena paypal acct 1ta(malaysian) link karanna puluwanda?

ahema karanna puluwan nam passe ayamath parana acct 1ta link karanna puluwanda.

Admin said...

ඇත්තමයි කියලා වැජක් නෑ ඹහොම පොරවල් තමයි අපිට ඹ්න. ජය වේවා....!

nisith said...

ගොඩක් වටිනා වචන ටිකක්.. ටිකක් කීවට ටිකක් නෙමේ.....

අයි.පී.පරණවිතාන said...

සහෝදරයා මට පොඩි උඩව්වක් ඔන....මෙකේ තියෙන්නේ වෙබ් කාඩ් එකක් ලින්ක් කරන හැටි නේද....මට වෙබ් කාඩ් එකක් නෑ :( තියෙන්නෙ සම්පත් ඩෙබිට් කාඩ් එකක්...ඒක ලින්ක් කරන්න පුලුවන්ද කියලා දැනගන්න ඔනි....

SEALINER said...

මරු මරු
sealiner.blogspot.com

smedia said...

ලිපිය ගොඩාක් වැදගත් වුණා. කාඩ් එකත් ඇඩ් කරලා දැන් බිස්නස් එක හොදට යනවා.ධනිකගේ ලිපි නිසා තමා...ඒත් එත්තම තව ප්රස්නයක් තියෙනවා Alertpay එක Verify කරගන්න හැටි කියලා දෙනවානම් ලොකු උදව්වක්...

උදයංග සමීර ලියනගේ said...

mal 7i..apith ebay patan gattha..tnx,,danika..

උදයංග සමීර ලියනගේ said...

ඔන්න අපිත් ebay වලට බැස්සා.....වැඩේ හොදට යනව.....ඔක්කොම ධනික නිසා තමයි.....
වැඩේනම් මල් 7යි...

ප්‍රදීප් උදයංග said...

එලම කිරි මචන්....ඔන්න මන් අද ඔක්කොම ටික හද ගත්ත දැන් තියෙන්නේ EBAY එකෙන් ගන්න තමා.......එත් මොනාද මුලින්ම ගන්නේ . ගන්න පුළුවන් පොඩි බදුටිකක් කිව්වනම් හොඳා.............

akil said...

elakiri machan kuppiya

sri lankan said...

post 1 ta yain me wage comment box 1 add karaganne kohomada kiyala mata kiya denna puluwanda.anika comments demmama post 1 nowena widihata ekata answer 1 danne kohomada kiyalat kiyanna puluwanda.man maha aulaka inne.kohewat meka gena ne.thiyenne blogg hadana heti witarine.

sam said...

macho mata hambuna password 1kae numbers 3ine thiyenne bn?

sam said...

bro mata hambunu sampath bank password eke numbers 3ine bn thiyenne......paypal eke mata hada ganda dennee bn

chathura said...

මචං නියම වැඩක්.... මාත් අද තමයි Card එක add කෙරුවේ... ගොඩාක් පිං කරපු උපකාරයට... තව දෙයක්... පුළුවන් නම් ebay එකේ බඩු විකුණන හැටි ගැනත් කියලා දෙන්න... ඔයාට ගොඩාක් ස්තූතියි....

amisha882 said...

මචං ගොඩක් ස්තුති දැනුම අපිත් එක්ක බෙදා ගත්හට...මටත් ගොඩ කලෙක ඉදන් තිබ්බ ප්‍රශ්ණයක් තමා paypal ගිණුම සක්‍රීය කරගන්න විදියක්
නැතිවෙච එක්ක. පොඩි ප්‍රශනයක් තියෙනවා මචං ඔන්ලිනේ ජොබක් කරලා එන සල්ලි paypal account එකකට ගතහම ඒ සල්ලීය වෙබ් චාර්ඩ් එක්කේ සල්ලි දාල බඩු ගන්න පුලුවන්ද?....

Dega said...

මමත් වෙබ් කාඩ් එකට ඇප්ලයි කලා....ධනික අයියට ගොඩක් තෑන්ක්ස්...!

Damith said...

මචං 1ට කාඩ් 1 add කරල bank 1න් අහල pay palcode 1ත් දුන්නට පස්සෙත් balance 1ක $0.00නෙ පෙන්නන්නෙ,ඇයි ඒ?මම 2500/=ක් දාල තමයි කාඩ් 1 ගත්තෙ

අසංක said...

නියම ලිපියක් ගොඩක් ස්තුතියි හැමදේම විස්තර ඇතුව ලියුවාට දිගටම කරගෙන යන්න සුභ අනාගතයක්

astrology said...

wade nam mare maru.obata jayen jaya.

mata me udawwath karanna.pay pal walata api job karala ganna mudal alertpay akata danna barida?alertpay aken lankawata genna ganna puluwanne?

ASiRi KaLuarachchi said...

ela machoo!!!

ASiRi KaLuarachchi said...

Ela macho!!! best luck..

THILINA BANDARA JAYAWARDANA said...

යාළුවා ඔබගේ ලිපිය ගොඩක් වැදගත්. මේ ලිපිය මම පහුවෙලා හරි දැක්ක එක ලොකු සතුටක්. තරහ ගන්න එපා මේක අහනවට මුලින් comment වලින් මේක අහල තියනවද දන්නෑ. ගොඩක් ඒවා කියෙවුවා. නමුත් කියවලා ඉවර කරන්න බෑ. ගොඩක් තියනවනේ. මට මේ උදවුව කරන්නකෝ. මෙම paypal account එකෙන් monybooker වැනි account එකකට සල්ලි හරවා ගන්න බැරිද? තව ප්‍රශ්නයක් තියනවා මෙහිදී දෙන billing address එක අපේ එක දෙන්න පුළුවන්ද මම දවසක් monybooker එකට කාඩ් එකක් ඇප්ලයි කරන්න ට්‍රයි කරද්දී එම බැංකුවේ ලිපිනයයි දෙන්න වුනේ. මගේ ලිපිනය දෙද්දී ඒක වැඩ කලේ නෑ. අරකට හරි ගියා. තවත් ප්‍රශ්නයක් තියනවා මට odesk එකෙන් Master Card එකක් ලැබුණා. මෙම කාඩ් එක මේක සදහා යොදාගන්න බැයිද?. මේක එහෙ ඉදලා තැපෑලෙන් ගෙදරටම ආපු කාඩ් එකක්. මෙම ලිපිය මට දකින්න ලැබුනේ fb එකේ පරිගණක උදවු වලින්. නැත්තම් මට කවදාවත් මෙක් දකින්නවත් ලැබෙන්නෑ.යාළුවා කරන මේ උදවු වලට ගොඩක් ස්තූතියි. ජය වේවා!

anu said...

මචං නියම වැඩක්.....මට පොඩි උඩව්වක් ඔන....මෙකේ තියෙන්නේ වෙබ් කාඩ් එක pin code ekata thiyenne numbers 3yi 4k naa :( eka problam ekakda ????????????

Gayan DJ said...

http://www.ebay.com/itm/HD-4-3-4GB-Touch-Screen-LCD-Music-Movie-Video-MP3-MP4-MP5-Player-Games-e-Book-/150711421538?pt=LH_DefaultDomain_0&hash=item231719ca62


oya link eke thiyana Item eka lankawata denawada kiyala kiyanawada machan

HACKNAREN said...

ඔයාගේ ලිපිය නම් නියමයි.මගේ යාලුවෙක් එබය් එකෙන් මාසෙට ලක්ෂ 12ක් විතර හොයනවා.දිගටම ලියන්න.

lahiru abeysekara said...

maru danika ayya...ayyage me artical eka thibbe nathnam mara amaruwaka watenne...ayya godak thanks...me artical eka nisa 5min walin card eka link kara :)

hhhhhhhhhhhhhh said...

mchn mata alertpay 1k hadaganna hati kiala denna

anu said...

ධනික සහෝ මගේ card 1kata sampath bank එකෙන් දුන්න password 1kata තියෙන්නෙ ඉලක්කම් 4k නෙමයි ඉලක්කම් 3yi එකට මොකද කරන්නෙ

Dilanka said...

ඔයාගේ සියළුම ලිපි වලට ගොඩක් ස්තූතියි!
මගේ Sampath Web Card එක ආවෙ අද.......
ලිපි වල තිබුණු විදිහටම Paypal confirm කර ගත්තා....
මගේ 2500න් 500ක් card එකට කපලා තිබුණා....
Sampath Account එකක් නැති අය‍ගෙන් දැන් 500ක් කපනවලු....

Admin said...

නියමයි.........ගොඩක් ස්තුතියි

anushka said...

a good article,reading others too

Ishan iluka said...

thanks machaaan clz eka nam ela

samadhi said...

හොද ලිපියක්, thnx lot dear

samadhi said...

හොද ලිපියක්,thnx lot dear

sunny said...

machan paypal account ekk hadaddi sampath webcard eka link kalata pasee eka veryfy karata pasee apita use karanda puluwanda ban mawa mongal wela ban inne malesiyan details danna kiyala eka site ekaka tibuna ban danne neti nisa ubagen ahanne machan lankawe details dammata awulak nedda ban help me

Sandun said...

මචං,
උඹගෙ මේ වැඩේ නියමයි!
දන්නෙ නැති හුඟක් දේවල් ඉගෙන ගත්තා.
ස්තූතියි!

Sandun said...

මචං ධනික,
මේ වැඩේ නියම වැඩක්!
කොපමන දේවල් ඉගෙන ගත්තද මන්දා!
ස්තූතියි!
ජය!

kushanrox said...

machan oka kalata pase paypal eke kalin tiba money walta samapath web card eke moneyth add wenwa neda? (2500)...natnm a paypal eke kalin tiba salli apita oka haraha atata gana pulwanada?

kushanrox said...

machan oka kalata pase paypal eke kalin tiba money walta samapath web card eke moneyth add wenwa neda? (2500)...natnm a paypal eke kalin tiba salli apita oka haraha atata gana pulwanada?

wmpcn wickramasinge said...

me pay pal ekata mage sampath credit cad eken gewanna eke risk ekak tiyada?

gonet said...

පට්ට මචන්

ravi said...

supiri..niyamai machan,,,

ravi said...

HNB visa debit card hariyanawada?

prasad6781 said...

machan commercial bank shopping ATM card 1th link karanna puluwan mekata?

rajitha said...

supper site

Rohan Senadheera said...

Aiye ai comment walata uththara naththe? I have the same questions mensioned above by others. Please answer. These posts are very useful. Thanks!
Ikmanatama uththara liyanna.

market overt said...

Ela ela

Lassana Sindu said...

එලම එල ලිපියක් මේක මාත් කාඩ් එකක් හැදුව ඊයෙ ගෙනාවෙ උන් මට passward එක දීල නෑනෙ මට මොකක්ද ලියුමක් දුන්න. මං හිතුව ඕකෙ ඇතුලෙ ඇති කියල. මං Call කරල ඇහුව කෝ යකො passward එක කියල (ඊට ටිකක් සැර අඩුවෙන්)මුන් කියනව සමාවෙනන් මහත්මය ‍අපේ අතින් වරදක් වෙලා කියල. මොකක් කරන්නද අද උදේ ගිහින් ගෙනාවා. දැන් PayPal වලට Log වෙලා Card එක Add කලා. Card එක නම් Active වෙලා. Confirm කර ගන්න වෙන්නෙ හෙට. ‍මේව හරියට අපට කියල දුන්නට ගොඩක් පින්... මොනව හරි ගෙන්නගෙන ආයෙත් Comment කරන්නම්. man podi software kallak haduwa dollar rupees walata convert karana. ebay ekata ona wena nisa montisori wadak wenna ati. visual basic walin haduwe. igena gatte taniyama poth kiyawala nikamata kiyanna hituna ekai damme.

Mashitha Lalodya said...

niyama lipi tika aiye habai wayasa thamai problem eka

ssjb said...

Thanks niyamayi !!!

Tharindu Perera said...

අයියේ මම paypal එකේ HNB VISA card එක add කරන්න හේදුව මට HNB එකෙන් දීල තියෙන pin එක ඉලක්කම් 6ක එකක්නේ මම මොකද කරන්න ඕන ඒකට

Post a Comment

පොඩ්ඩක් ඉන්න! ලිපිය කියෙව්වනෙ? දැන් ඉතිං ලිපිය කියවද්දි හිතුණු දේ දැණුනු දේ ලියලම යන්න...
දන්නවනෙ... ඔබේ අදහස් මට ගොඩක් වටිනවා... :)
[භාෂාව ප්‍රශ්නයක් නෑ - සිංහල/සිංglish/English]

Related Posts with Thumbnails